रुपन्देहीको गैडहवामा पेट्रोल पम्पमा आगलागी- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

रुपन्देहीको गैडहवामा पेट्रोल पम्पमा आगलागी

अमृता अनमोल

बुटवल — रुपन्देहीको गैडहवा गाउँपालिकामा रहेको पेट्रोल पम्पमा आगलागी भएको छ । गैडहवा-७ गुलरियामा चोक नन्दनगरमा रहेको राजकुमार चौधरीको आशीष पेट्रोल पम्पमा आगलागी भएको हो ।

लु२ ख २८५७ नम्बरको टेंकर अनलोड गर्ने क्रममा आगलागी भएको जिल्ला प्रहरी कार्यालयका प्रहरी नायव उपरीक्षक सत्यनारायण थापाले बताए ।

आगलागीबाट करिब १ लाख लिटर ईन्धन र ट्यांकर जलेर नष्ट भएको छ । पम्प सन्चालक हेमन्त चौधरी घाइते भएका छन् । घाइतेलाई उपचारका लागि बुटवल ल्याइएको छ । जिल्ला प्रहरी कार्यालयका प्रहरी नायव उपरीक्षक सत्यनारायण थापाका अनुसार लु २ ख २८५७ नम्बरको ट्यांकर अनलोड गर्ने क्रममा आगलागी भएको हो ।

आगोलाई बुटवल, भैरहवा र लुम्बिनीबाट गएका दमकलले नियन्त्रणमा लिएको प्रहरी नायव उपरीक्षक थापाले बताए ।

प्रकाशित : चैत्र २९, २०७७ २३:३१
प्रतिक्रिया
पठाउनुहोस्

चितवनमा ट्रयाक्टर दुर्घटना हुँदा ५ जनाको मृत्यु, २० घाइते

रमेशकुमार पौडेल

चितवन — निर्माणाधीन वडा कार्यालय भवन ढलानको काम गरेर फर्कंदै गरेका २५ मजदुर सवार ट्रयाक्टर आइतबार साँझ पूर्वी चितवनको भण्डाराको पहाडी क्षेत्रमा दुर्घटना हुँदा कम्तीमा पाँच जनाको मृत्यु भएको छ । अन्य २० जना घाइते भएका छन् ।

घाइतेहरूको अवस्था पनि गम्भीर रहेको जिल्ला प्रहरी कार्यालयका डीएसपी सूर्यबहादुर थापाले बताए । राप्ती नगरपालिका–११ को वडा कार्यालय भवन ढलान गरेर भण्डारा फर्कंदै गरेका मजदुर सवार ना१त ६२८२ नम्बरको ट्रयाक्टर चिउडेखोलामा दुर्घटना भएको हो । ट्रयाक्टर सडकबाट झन्डै दुई सय मिटर तल खसेको हो । पाँच जनाको मृत्यु भएको र अरूको अवस्था पनि गम्भीर रहेको रिपोर्ट छ,’ डीएसपी थापाले भने, ‘उद्धार र उपचारको क्रम जारी छ । मृतक र घाइतेहरूको पहिचान खुलिसकेको छैन । घाइतेहरूलाई भरतपुरको सरकारी र दुवै मेडिकल कलेजका अस्पतालहरूमा भर्ना गरिएको छ ।’

राप्ती नगरपालिकाका मेयर प्रभा बरालले घटना पुष्टि गर्दै घाइतेको अवस्था बुझ्न अस्पताल जान लागेको बताइन् । स्थानीय गुमन तामाङले घटनास्थलमा पाँच जनाको शव देखेको बताए । ‘म घटनास्थलमै पुगेको थिएँ । भीरनजिक अलि अप्ठ्यारो मोड छ, त्यहींबाट ट्रयाक्टर खसेछ । हामीले पाँचवटा एम्बुलेन्समा राखेर घाइतेहरूलाई अस्पताल पठाएका छौं,’ उनले भने, ‘पाँच जना त उहीं बितेका थिए । अरूको अवस्था पनि चिन्ताजनक नै छ ।’

प्रकाशित : चैत्र २९, २०७७ २३:२५
पूरा पढ्नुहोस्
प्रतिक्रिया
पठाउनुहोस्
×