यातायात व्यवस्था कार्यालयका कर्मचारीविरुद्ध मुद्दा- लुम्बिनी - कान्तिपुर समाचार

यातायात व्यवस्था कार्यालयका कर्मचारीविरुद्ध मुद्दा

रासस

नेपालगन्ज — अख्तियार दुरुपयोग अनुसन्धान आयोगले यातायात व्यवस्था कार्यालय, भेरी अञ्चल कार्यालय नेपालगञ्जका तत्कालीन कार्यालय प्रमुख तथा परीक्षा समितिका अध्यक्ष पवन सुवेदीसमेत १९ जनाविरुद्ध बिहीबार विशेष अदालतमा मुद्दा दायर गरेको छ । 

आयोगका अनुसार नेपालगञ्जबाट लिइएको दुईपाङ्ग्रे सवारीचालक अनुमतिपत्रसम्बन्धी लिखित परीक्षाको नतीजामा परीक्षा समितिको बैठक नै नबसी सदस्यलाई भूमिकाविहीन बनाएको तथा परीक्षामा अनुत्र्तीण भएकालाई नतीजा परिवर्तन गरेको पाइएको छ । सो कार्यमा तत्कालीन कार्यालय प्रमुख पवन सुवेदी, शाखा अधिकृतद्वय सीताराम खनाल र डकेराज पोखरेल संलग्न रहेको आयोगको अनुसन्धानमा देखिएको छ ।

यस्तै तत्कालीन शाखा अधिकृत ध्रव्रराज देवकोटा, नायब सुब्बा ललितबहादुर वलीलगायत छन् । उनीहरुले लिखित परीक्षको परिणाम फेरबदल गरी भ्रष्टाचार गरेको पाइएको आयोगका प्रवक्ता नारायणप्रसाद रिसालले जानकारी दिए । यसैगरी आयोगले महोत्तरीको साविक सिंग्याही गाविसका तत्कालीन सचिव विनोदकुमार सिंहसमेतले एकै व्यक्तिको नाममा दोहोरो सामाजिक सुरक्षा भत्ता वितरण गरेको भरपाइ बनाई सरकारी रकम हिनामिना गरेको अभियोगमा विशेष अदालतमा मुद्दा दायर गरिएको छ । आयोगका अनुसार रु १२ लाख ४४ हजार बराबरको हिनामिना गरेको पाइएको छ ।

सो कार्यमा सचिव सिंह र कार्यालय सहायक नारायण यादवको सङ्लग्नता रहेको पाइएको छ । आयोगले उनीहरुविरुद्ध रु छ लाख २९ बराबरको बिगो कायम गरी मुद्दा दायर गरेको छ । अनियमितता गरेकोमध्ये रु छ लाख १५ हजार बराबरको रकमसमेत बैंकमा दाखिला भएको पाइएको छ ।

प्रकाशित : चैत्र २६, २०७७ २१:१६
प्रतिक्रिया
पठाउनुहोस्

विराटनगर महानगरमा १४५ सुकुम्बासीका लागि घर बन्दै

जग्गाको मूल्य सुकुम्बासीहरूले तिर्ने र दुई कोठा भान्छा, शौचालयसहितको घर नि:शुल्क उपलब्ध गराउने योजना
देवनारायण साह

मोरङ — विराटनगर महानगरपालिकामा महानगर आवास परियोजनाअन्तर्गत १ सय ४५ घरधुरी सुकुम्बासीका लागि एकीकृत बस्ती निर्माण सुरु भएको छ । विराटनगर–१२ मल्हनमास्थित केसलिया खोलाको किनारमा बन्ने परियोजनाको बुधबार कांग्रेसका नेता शेखर कोइरालाले शिलान्यास गरेका छन् ।

प्रदेश १ कांग्रेसका प्रमुख सचेतक केदार कार्की, महानगर, ह्याविट्याट फर नेपाल र सहारा नेपालको संयुक्त लगानीमा बस्ती निर्माण सुरु भएको हो । स्थानीय भैरव शर्माको ३ बिघा १६ कट्ठा ५ धुर जग्गा सुकुम्बासी परिवारका नाममा खरिद गरेर बस्ती निर्माण सुरु गरिएको प्रमुख सचेतक कार्कीले बताए । जग्गाको मूल्य सुकुम्बासीहरूले तिर्ने र दुई कोठा भान्छा, शौचालयसहितको घर नि:शुल्क उपलब्ध गराउने योजना रहेको उनले बताए ।

बस्तीका लागि जग्गा खरिद गर्न जीवन विकास समाज कटहरीले १४ दशमलव ७ प्रतिशत ब्याजमा ऋण उपलब्ध गराएको छ । समाजका उपकार्यकारी प्रमुख दामोदर रेग्मीले अढाई वर्षदेखि ५ वर्षभित्रमा सुकुम्बासी परिवारले ऋण चुक्ता गर्नुपर्ने बताए । ‘प्रतिपरिवार २ लाख ६० हजार रुपैयाँको दरले जग्गा र रजिस्ट्रेसन पास खर्चसमेत लगानी गरिएको छ,’ उनले भने, ‘सुकुम्बासी परिवारले ऋण चुक्ताका लागि मासिक ७ हजार रुपैयाँ तिर्नुपर्नेछ ।’ प्रतिपरिवार साढे ७ धुरको दरले जग्गा रजिस्ट्रेसन पास गरिएको छ । बाँकी जग्गामा सडक, उद्यान, विद्यालय र स्वास्थ्य केन्द्र निर्माण हुने सांसद कार्कीले बताए ।

सुकुम्बासी परिवारको घर निर्माणका लागि ह्याविट्याटले प्रतिपरिवार १ लाखको दरले र बाँकी रकम प्रमुख सचेतक कार्की र महानगरले उपलब्ध गराउने छन् । प्राविधिक सहयोग सहारा नेपालले गर्ने सम्झौता भएको छ । सहारा नेपालका क्षेत्रीय प्रमुख ओमप्रकाश साहले सुकुम्बासी परिवारका लागि करिब ४ लाखको दरले जस्ताको छाना, बाँसको टाटीमा दुवैपट्टिबाट तार जाली राखेर प्लास्टर गरिने बताए । उनले प्रत्येक परिवारका लागि दुई वटा कोठा, भान्छा र शौचालय निर्माण गरिने बताए ।

विराटनगर महानगर उपप्रमुख इन्दिरा कार्कीले आवास परियोजनाका लागि चालु आर्थिक वर्षमा १ करोड बजेट विनियोजन गरिएको र अपुग रकम आउँदो वर्षको बजेटमा व्यवस्था गरिने बताइन् ।‘घर निर्माणका लागि मात्रै ५ करोड ८० लाख खर्च हुन्छ,’ उनले भनिन्, ‘बस्तीसम्म र बस्तीभित्र सडक, खानेपानी, उद्यान, विद्यालय, स्वास्थ्य केन्द्र निर्माणका लागि पनि बजेट आवश्यक हुन्छ ।’

महानगर प्रमुख भीम पराजुलीले पहिलो चरणमा आउँदो डिसेम्बरसम्ममा घर निर्माण गरेर हस्तान्तरण गर्ने योजना रहेको बताए । प्रदेश १ का आन्तरिक मामिला तथा कानुनमन्त्री हिक्मत कार्कीले महानगर आवास योजनाका लागि प्रदेश सरकारले आउँदो आर्थिक वर्षमा बजेट व्यवस्था गर्ने प्रतिबद्धता जनाए ।

कांग्रेस नेता शेखर कोइराला मोरङको विराटनगर–१२ मा महानगर आवास योजनाको बुधबार शिलान्यास गर्दै । तस्बिर : देवनारायण/कान्तिपुर

प्रकाशित : चैत्र २६, २०७७ २०:१६
पूरा पढ्नुहोस्
प्रतिक्रिया
पठाउनुहोस्
×