पाल्पाको तानसेनमा जिप दुर्घटना : २ जनाको मृत्यु - लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

पाल्पाको तानसेनमा जिप दुर्घटना : २ जनाको मृत्यु 

माधव अर्याल

पाल्पा — तानसेन नगरपालिका–७, काजीपौवामा मंगलबार बिहान भएको जिप दुर्घटनामा दुई जनाको मृत्यु भएको छ ।

कुखुरा बोकेको दुर्घटनाग्रस्त जिप । तस्बिर सौजन्य : ट्राफिक प्रहरी कार्यालय, पाल्पा 

काजीपौवास्थित भित्री सडकखण्डमा भएको दुर्घटनामा बगनासकाली गाउँपालिका–४, खानीछापका २० वर्षीय विजय खाम्चा र रिब्दीकोट गाउँपालिका–४, भैरवस्थानका २७ वर्षीय राजु थापाको मृत्यु भएको जिल्ला प्रहरी कार्यालयले जनाएको छ ।

दुर्घटनामा घाइते भएका दुवै जनाको मिसन अस्पतालमा उपचारका लागि लगिए पनि चिकित्सकले मृत घोषणा गरेको प्रहरी नायब उपरीक्षक रामेश्वर त्वातीले जानकरी दिए ।

खुसी फ्रेस हाउसमा कुखुरा छाडेर तानसेन फर्कने क्रममा जिप दुर्घटनामा परेको प्रहरीले जनाएको छ । दुर्घटनाग्रस्त लु २ च ६३२ नम्बरको जिप सडकबाट २० मिटर तल खसेको थियो । प्रहरीले घटनाका सम्बन्धमा थप अनुसन्धान गरेको जनाएको छ ।


प्रकाशित : चैत्र २४, २०७७ ०९:३८
प्रतिक्रिया
पठाउनुहोस्

सन् २०३६ सम्म रुसको राष्ट्रपति बन्‍न पाउने कानुनमा पुटिनले गरे हस्ताक्षर

इकान्तिपुर डेस्क

काठमाडौँ — रुसी राष्ट्रपति भ्लादिमिर पुटिनले सन् २०३६ सम्म सत्तामा रहने भएका छन् । पुटिनले सोमबार एउटा विधेयकमा हस्ताक्षर गरेपछि थप दुई कार्यकाल राष्ट्रपति बन्ने भएका छन् ।

रुसी राष्ट्रपति भ्लामिदिर पुटिन तस्बिर : रोयटर्स

पहिलेको संविधानअनुसार ६८ वर्षीय पुटिनले दोस्रो कार्यकाल सकिएसँगै सन् २०२४ मा सत्ताबाट बाहिरिनुपर्ने थियो । तर गत वर्ष जनमतसंग्रहमार्फत संशोधन गरिएको संवैधानिक व्यवस्थाले उनलाई थप दुई कार्यकाल राष्ट्रपति बन्ने बाटो दिएको हो । संवैधानिक सुधारसम्बन्धी जनमतसंग्रहमा पुटिनले करिब ७८ प्रतिशत मत पाएसँगै उनी थप दुई कार्यकाल सत्तामा रहने कानुनी बाटो खुलेको हो ।

नयाँ कानुनमा राष्ट्रपतिको कार्यकाल पनि ४ वर्षबाट बढाएर ६ वर्ष बनाइएको छ । गत मार्चमा रुसको संसद्ले उक्त संशोधन पास गरेको थियो । पुटिन पहिलो पटक सन् २००० मा रुसको राष्ट्रपति बनेका थिए ।

चार–चार वर्षको दुई कार्यकाल बिताएपछि पुटिनले आफ्ना सहयोगी दिमित्री मेडभेडेवलाई राष्ट्रपति बनाउँदै २००८ देखि २०१२ सम्म प्रधानमन्त्री बनेका थिए । सन् २०१२ मा उनी पुन: राष्ट्रपतिका रुपमा रुसमा सत्तासिन भए भने २०१८ को चुनावमा जित पनि हात पारे । तर चुनावमा धाँधली भएको र विपक्षीको आवाज दबाउने काम गरेको आरोप भने पुटिनमाथि निरन्तर लाग्दै आएको छ ।

यदि पुटिन थप दुई कार्यकालका निर्वाचित भए रुसको सबैभन्दा बढी लामो समय शासन गर्ने नेता बन्नेछन् । यसअघि जोसेफ स्टालिनले २९ वर्ष रुसमा शासन गरेका थिए । सन् २००० मा तत्कालीन राष्ट्रपति बोरिस यल्त्सिनले राजीनामा दिएपछि पुटिन रुसका शक्तिशाली नेताका रुपमा रहेका छन् ।

दुई कार्यकालभन्दा बढी राष्ट्रपति बन्न नपाइने तत्कालीन संवैधानिक व्यवस्थाबमोजिम सन् २००८ मा मेडभेडेभलाई सत्ता हस्तान्तरण गरे पनि प्रधानमन्त्रीका रुपमा मुलुकमा शासन गरेको पुटिनमाथि आरोप लाग्दै आएको छ ।

प्रकाशित : चैत्र २४, २०७७ ०९:२८
पूरा पढ्नुहोस्
प्रतिक्रिया
पठाउनुहोस्
×