सीमाबाट दुई महिलाको उद्धार- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

सीमाबाट दुई महिलाको उद्धार

कमल पन्थी

बर्दिया — सशस्त्र सीमा सुरक्षा बल बीओपी धनौरा तारातालले भारत लैजान लागिएका दुई महिलालाई सोमबार बिहान उद्धार गरेको छ । 

मधुवन नगरपालिका—७ स्थित नेपाल–भारत सिमानाको सीमा स्तम्भ नम्बर ७२ बाट दुई महिलालाई उद्धार गरेको सशस्त्र प्रहरी उपरीक्षक नरबहादुर राउतले बताए ।

उद्धार गरिनेमा झापा दमक—१ की ३७ वर्षीया र मोरङ सुनवेस नगरपालिका—३ की ३३ वर्षीया महिला रहेका छन् ।

उनीहरुलाई खाडी मुलुकमा रोजगारी दिने प्रलोभनमा दिल्ली लैजान लागेका गुलरिया—३ का कन्हैयालाल यादवलाई नियन्त्रणमा लिई आवश्यक कारबाहीका लागि संस्थामार्फत प्रहरीलाई बुझाइएको उनले जनाए । उनीमाथि मानव बेचबिखन गर्ने उद्देश्यले महिलाद्वयलाई पठाउन लागेको प्रारम्भिक अनुसन्धानमा देखिएको प्रहरीले जनाएको छ ।

उद्धार गरिएका महिलासँग राहदानी नभएको पनि प्रहरीले बताएको छ ।

प्रकाशित : फाल्गुन १७, २०७७ १५:५०
प्रतिक्रिया
पठाउनुहोस्

देव गुरुङलाई प्रमुख सचेतक बनाएको थिएँ, हटाएँ : प्रधानमन्त्री ओली

कान्तिपुर संवाददाता

काठमाडौँ — प्रधानमन्त्री केपी शर्मा ओलीले देवप्रसाद गुरुङलाई आफूले प्रमुख सचेतक नियुक्त गरेको र हटाएको बताएका छन् । नियुक्ती दिनेले नियुक्ती बदर गर्न सक्ने भन्दै ‌ओलीले गुरुङलाई प्रमुख सचेतकबाट हटाएर विशाल भट्टराईलाई प्रमुख सचेतक बनाएको बताए । 

सोमबार पोखरामा आयोजित आफूपक्षीय भेलालाई सम्बोधन गर्दै उनले भने, 'जुन हातले नाम लेख्‍यो त्यहीँ हातले नाम मेट्न पनि सक्छ । देव गुरुङलाई मैले प्रमुख सचेतक बनाएको थिएँ, मैले नै हटाएँ ।'

पुस ५ गते प्रधानमन्त्री ओलीको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गरेपछि प्रमुख सचेतक गुरुङ उक्त निर्णयविरुद्ध सर्वोच्च अदालतमा मुद्दा लिएर गएका थिए । सर्वोच्च अदालतले प्रतिनिधिसभा विघटन असंवैधानिक भन्दै पुनःस्थापना गरेपछि ओलीले नेकपाको प्रमुख सचेतकबाट गुरुङलाई हटाएका हुन् । गत शुक्रबार ओलीले गुरुङलाई हटाएर आफूनिकट विशाल भट्टराईलाई प्रमुख सचेतकको जिम्मेवारी सुम्पिएका थिए ।

ओ‌लीले पुष्पकमल दाहाल र माधवकुमार नेपाल समूहलाई विधि र प्रक्रियाबाट आफूलाई हटाउन चुनौती दिए । उनले भने, 'उहाँहरू अध्यक्ष र महासचिवले बोलाएको बैठकमा आउनुहुन्‍न । विधिवत् रूपमा मलाई हटाउन सक्नुहुन्छ भने बैठक बोलाइदिन्छु ।'

अघिल्लो कार्यकालमा पनि आफूलाई माधव नेपाल,पुष्पकमल दाहाल र झलनाथ खनाल भएर हटाएको उनले बताए । 'यिनै माधव नेपाल,झलनाथ खनालले प्रचण्डलाई हटाइहाल्नुपर्छ भनेर हटाए,' उनले भने ।

प्रकाशित : फाल्गुन १७, २०७७ १५:२३
पूरा पढ्नुहोस्
प्रतिक्रिया
पठाउनुहोस्
×