रुकुम पूर्वमा अटो दुर्घटना : चालकको मृत्यु - लुम्बिनी - कान्तिपुर समाचार

रुकुम पूर्वमा अटो दुर्घटना : चालकको मृत्यु 

हरि गौतम

रुकुम पूर्व — रुकुम पूर्वमा अटो दुर्घटना हुँदा चालकको मृत्यु भएको छ । भूमे गाउँपालिका–१, लुकुम नजिकै भएको दुर्घटनामा भुमे–१, लुकुमका १७ वर्षीय चालक आशिष विकको मृत्यु भएको हो ।

बुधबार लुकुमबाट २ नम्बर वडाको खावाङ बजारतर्फ आउँदै गरेको रा १ ह ४०९९ नम्बरको अटो दुर्घटना हुँदा चालक विकको घटनास्थलमै मृत्यु भएको हो । दुर्घटानमा अन्य दुई जना घाइते भएको प्रहरीले जनाएको छ ।

घाइते हुनेमा भूमे–१, लुकुमकै १४ वर्षीया अञ्जली विक र १५ वर्षीया एलिना विक रहेको जिल्ला प्रहरी प्रमुख डीएसपी गणेश श्रेष्ठले जानकारी जानकारी दिए । घाइतेलाई थप उपचारका लागि जिल्ला अस्पताल रुकुम पश्चिम पठाइएको डीएसपी श्रेष्ठले जानकारी दिए ।

प्रकाशित : माघ ८, २०७७ ११:४४
प्रतिक्रिया
पठाउनुहोस्

चन्द समूहका मोरङ इन्चार्ज पेस्तोलसहित पक्राउ

देवनारायण साह

मोरङ — नेत्रविक्रम चन्द समूहका मोरङ जिल्ला इन्चार्ज धनबहादुर विक हतियारसहित पक्राउ परेका छन् । डीबी सिलवाल पनि भनिने उनलाई मोरङ प्रहरीले बिहीबार बिहान सार्वजनिक गरेको छ ।

बूढीगंगा गाउँपालिका–४ मा बुधबार उद्योगी–व्यवसायीलाई धम्क्याउँदै चन्दा असुलिरहेको गोप्य सूचनाका आधारमा विकलाई नियन्त्रणमा लिइएको प्रहरी नायब उपरीक्षक मानबहादुर राईले बताए ।

संखुवासभाको मादी नगरपालिका–४ ओखरबोटेका विक मिक्लाजुङ–१ का शिक्षक राजेन्द्र श्रेष्ठको हत्याका प्रतिवादीसमेत रहेको उनले जानकार दिए ।

प्रहरीका अनुसार विकका साथबाट सेमी अटोमेटिक पेस्तोल, ३ राउन्ड गोली लोड भएको म्याग्जिन, विभिन्न कम्पनीका मोबाइल ४ र सिमकार्ड ५ थान बरामद गरिएको छ । विकले प्रयोग गरेको को२४प ४००५ नम्बरको पल्सर मोटरसाइकलसमेत नियन्त्रणमा लिई थप अनुसन्धान भइरहेको प्रहरी नायब उपरीक्षक राईले बताए ।

प्रकाशित : माघ ८, २०७७ ११:४०
पूरा पढ्नुहोस्
प्रतिक्रिया
पठाउनुहोस्
×