बाँकेमा होम आइसोलेसनमा बसेका कोरोना संक्रमितको मृत्यु
बाँके — बाँकेमा होम आइसोलेसनमा बसेका एक जना कोरोना संक्रमितको मृत्यु भएको छ ।
जिल्ला कोभिड–१९ संकट व्यवस्थापन केन्द्र, बाँकेका अनुसार, नेपालगन्ज उपमहानगरपालिका –१०, भृकुटीनगरका ७० वर्षीय पुरुषको सोमबार राति मृत्यु भएको हो ।
उनलाई पुस २६ गते कोरोना पुष्टि भएको थियो । कोरोना भएपछि घरमै बसेका उनलाई अक्सिजनको लेभल कम देखिएपछि २७ गते भेरी अस्पतालमा ल्याइएको थियो।
भेरी अस्पतालमा उपचारको क्रममा स्वास्थ्यमा सुधार आएपछि उनलाई २९ गते पुन: होम आइसोलेसनमा लगिएको थियो । बाँकेमा योसहित कोरोना बाट मृत्यु हुनेको संख्या ५० पुगेको छ ।
जिल्ला कोभिड–१९ संकट व्यवस्थापन केन्द्र, बाँकेका अनुसार, जिल्लामा अहिले पनि ६१ जना होम आइसोलेसनमा छन् ।
प्रकाशित : माघ ६, २०७७ ११:२८