बाँकेमा अनुसन्धान विभागका सिपाही मृत फेला

अनुसन्धानका सिपाही थापा मगर नेपालगन्ज उपमहानगर–१८ सुर्जेगाउँस्थित तोरीबारीमा मृत अवस्थामा फेला परेका हुन् । उनको शव शुक्रबार दिउँसो भेटिएको प्रहरीले जनाएको छ ।

मृतकको टाउको र शरीरमा डामहरु रहेका छन् । बाँके प्रहरीले घटनाको अनुसन्धान गरिरहेको जिल्ला प्रहरी कार्यालय बाँकेका डीएसपी सुवास खडकाले बताए ।

‘घटनाको प्रकृति हेर्दा कसैले हत्या गरेर फालेको हुन सक्ने आशंका छ,’ जिल्ला प्रहरी कार्यालय बाकेका डिएसपी खडकाले भने, ‘पोष्टमार्टमको रिपोर्ट पर्खिरहेका छौं ।’