राप्ती नदीमा युवक बेपत्ता
दाङ — राप्ती नदीमा बगेर बिहीबार दाङ राजपुरका एक युवक बेपत्ता भएका छन् ।
राजपुर गाउँपालिका २ का २७ वर्षीय प्रदीप चौधरी राप्ती नदीको बेलाघाटमा पौडी खेल्ने क्रममा दिउँसो बगेर बेपत्ता भएको प्रहरीले जनाएको छ । माघीको अवसरमा राप्ती किनारमा वनभोज खाएर पौडी खेल्ने क्रममा बेपत्ता भएको ईलाका प्रहरी कार्यालय गढवाका प्रमुख प्रहरी निरीक्षक राजकुमार भट्टले बताए । उनका अनुसार प्रहरी र स्थानीयको सहयोगमा उनको खोजी भइरहेको छ ।