जन्मकैद सजाय पाएका फरार दुई पक्राउ
नेपालगन्ज — बाँके जिल्ला अदालतले हत्या मुद्दामा जन्मकैद सजाय सुनाइएका फरार दुई जनालाई प्रहरीले पक्राउ गरेको छ । पक्राउ पर्नेमा नेपालगन्ज ५ का विवाद पाठक र हरि वली रहेका छन् । उनीहरुले पाँच वर्षअघि नेपालगन्जको धम्बोझी चोक नजिकै सुर्खेत रोडमा चेतन मानन्धरको हत्या गरेका थिए ।
बाँके प्रहरी प्रमुख प्रहरी उपरीक्षक ओम रानाले उनीहरु नेपालगन्जमै लुकेर बसेको सूचनाका आधारमा पक्राउ गरिएको बताए । घटनामा संलग्न दुई जना अझै फरार छन् । घटनामा संलग्न ९ जना कारागारमा छन् ।
०७२ असार २८ गते नेपालगन्जको मुख्य सडकमै २९ वर्षीय मानन्धरलाई गुण्डा नाईके रिगल ढकालको समूहले खुडा प्रहार गरी हत्या गरेको अभियोगमा प्रहरीले लगाएको थियो ।
प्रतिक्रिया