भेरी अस्पतालमा कोरोना बेड थपियो
नेपालगन्ज — बाँकेको भेरी अस्पताल नेपालगन्जमा ७० बेडको कोरोना वार्ड स्थापना गरिएको छ । जिल्ला समवन्य समिति र स्थानीय तहको एक करोड सहयोगमा भेरीमा कोरोना वार्ड बनाइएको हो ।
भेरी अस्पताल व्यवस्थापन समितीका अध्यक्ष प्रमोद धितालले जिल्ला समन्वयले ७५ लाख र अरु गाउँपालिकाको २५ लाख सहयोगमा ७० बेडको कारोना वार्ड तयार गरिएको बताए ।
भेरी अस्पतालका मेडिकल सुपरीटेन्डेन्ट प्रकाश थापाले ७० बेड रहेको वार्डमा ९० बेडसम्म पुर्याउन सकिने बताए । यस क्षेत्रको रिफरल अस्पतालको रुपमा भेरीमा कम्तीमा एक सय ४० वार्डको कोरोना वार्ड भएको छ । भेरीमा यसअघि नै ७२ बेडको कोरोना वार्ड बनाइएको थियो ।
प्रकाशित : पुस १०, २०७७ १७:५८