कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

सुस्तामा सोलार मिनी ग्रिड मार्फत बिजुली विस्तार

नवीन पौडेल

परासी — भारतीय अतिक्रमणको चपेटामा परेको पश्चिम नवलपरासीको सुस्तामा बिजुली बत्ती पुगेको छ । सुस्ता गाउँपालिका ५ मा सोलार मिनी ग्रिड प्रविधि मार्फत बिजुली बत्ती विस्तार गरिएको हो ।

सुस्तामा सोलार मिनी ग्रिड मार्फत बिजुली विस्तार

सोलार मिनी ग्रिडको बुधबार राष्ट्रियसभाका अध्यक्ष गणेशप्रसाद तिमल्सिनाले उद्‌घाटन गरे । आफ्नो भूमि जोगाउन भारतीय एसएसबीसंग लड्दै आएका सुस्ताबासीले अब टुकी र लालटिनबाट छुटकारा पाउने भएका छन् । नारायणी नदीको कारण विद्युत प्रसारणको लाइनमा जोडिन नसकेको सुस्ता अब भने सोलार ग्रिड मार्फत झिलीमिली भएको हो ।

सोलार मिनी ग्रिडको उद्घाटन गर्दै अध्यक्ष तिमिल्सिनाले जनताले आश गरेका राजनीतिक दलहरु आपसी किचलोमा रुमल्लिन नहुने बताए । ‘जनताले आशा र भरोसा गरेका राजनीतिक दल आपसी कलहमा अल्झिन हुँदैन । जनमतको सबैले कदर गर्नुपर्दछ,’उनले भने,‘जनताका आधारभूत आवश्यक्तामा मात्र ध्यान दिने हो भने पनि विकासले फड्को मार्न सक्दछ । जनताको इच्छा विपरीत आन्तरिक किचलोमा नफस्न म सबै रमजनितिक दलका नेतालाई आग्रह गर्दछु ।’

नारायणीमा जोखिमपूर्ण डुंगाको यात्रा गर्नुपर्ने बाध्यता रहेको सुस्तामा विद्युत विस्तार गर्ने सम्भावना नभएपछि सौर्य मिनी ग्रिड परियोजना मार्फत बिजुली बाल्न लागिएको हो । सौर्य मिनी ग्रिड परियोजना निर्माण कार्य अन्तिम चरणमा पुगेको छ ।

सौर्य मिनी ग्रिड निर्माण समितिका अध्यक्ष रविन्द्र जैसवालले सौय ऊर्जाको निमार्णसँगै सुस्ताबासीले राहातको महसुस गरेको बताए । यस परियोजनाबाट सुस्ताका २ सय ६५ घरधुरी उज्यालो हुनेछ । सौर्य मिनी ग्रिड परियोजनाको लागत ४ करोड ८० लाख ९५ हजार २ सय ६८ रुपैयाँ रहेको छ ।

प्रकाशित : मंसिर १७, २०७७ १६:५७
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?