दाङकी कोरोना संक्रमित वृद्धाको बाँकेमा मृत्यु- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

दाङकी कोरोना संक्रमित वृद्धाको बाँकेमा मृत्यु

रुपा गहतराज

बाँके — कोरोना संक्रमणबाट बाँकेमा एक वृद्धाको मृत्यु भएको छ । तुलसीपुर उपमहानगरपालिका-६ दाङकी ७७ वर्षीया वृद्धाको मंगलबार राति १२:१५ बजे मृत्यु भएको हो ।

उनलाई मंसिर ५ गते नेपालगन्ज शिक्षण अस्पताल कोहलपुरमा भर्ना गरिएको थियो । मंसिर ६ गते कोरोना संक्रमण पुष्टि भएपछि रोगको प्रकृति अनुसार उपचार विधि अपनाउँदै आएपनि ती महिलाको उपचारकै क्रममा मृत्यु भएको जिल्ला कोभिड–१९ संकट व्यवस्थापन केन्द्र बाँकेले जनाएको छ ।

यसअघि बाँकेमै उपचारका क्रममा विभिन्न जिल्लाका ४८ जना कोरोना संक्रमितले ज्यान गुमाइसकेका छन् । योसँगै बाहिरी जिल्लाबाट बाँके आएर ज्यान गुमाउनेको संख्या ४९ पुगेको केन्द्रले जनाएको छ ।

प्रकाशित : मंसिर १०, २०७७ १६:५८
प्रतिक्रिया
पठाउनुहोस्

मूर्ति चोरेको आरोपमा दिपक मनाङेकी श्रीमती हेटौंडाबाट पक्राउ

सुवास विडारी

मकवानपुर — गण्डकी प्रदेशसभाका सांसद दिपक मनाङे भनिने राजिव गुरुङकी श्रीमती दिक्छेन डोल्मा लामा हेटौंडाबाट पक्राउ परेकी छन् । चोरी मुद्दामा उनलाई जिल्ला प्रहरी कार्यालय मकवानपुरले पक्राउ गरेको हो ।

जिल्ला अदालत कास्कीले बहुमूल्य धातुको मूर्ति चोरी गरेको मुद्दामा पक्राउ पूर्जी जारी गरेकाले उनलाई पक्राउ गरिएको मकवानपुरका प्रहरी नायब उपरीक्षक इन्द्रबहादुर रानाले जानकारी दिए ।

जिल्ला प्रहरी कार्यालय कास्कीको पत्र प्राप्त भएकाले उनलाई पक्राउ गरि कास्की पठाइएको डीएसपी रानाले बताए । दिक्छेन हेटौंडा–१२ स्थित माइतीमा बस्दै आएको जनाइएको छ ।

प्रहरीका अनुसार उनीसहित तीनजनालाई विपक्षी बनाएर कास्की जिल्ला अदालतमा बहुमुल्य धातुको मूर्ति चोरीको मुद्दा दायर भएको छ ।

प्रकाशित : मंसिर १०, २०७७ १६:४८
पूरा पढ्नुहोस्
प्रतिक्रिया
पठाउनुहोस्
×