१९.१२°C काठमाडौं
काठमाडौंमा वायुको गुणस्तर: १७०

दाङमा अवैध रुपमा सञ्चालित १० बालुवा प्रशोधन उद्योग बन्द गर्न निर्देशन

दुर्गालाल केसी

दाङ — अवैध रुपमा सञ्चालित १० बालुवा प्रशोधन उद्योग बन्द गर्न जिल्ला प्रशासनले निर्देशन दिएको छ ।

जिल्लाका सबै क्रसर उद्योगको अनुगमन गर्दा बालुवा प्रशोधन उद्योगले क्रसरको काम गरेको पाइएपछि १५ दिनभित्र बन्द गर्न लिखित निर्देशन दिइएको प्रमुख जिल्ला अधिकारी जयनारायण आचार्यले बताए ।

विभिन्‍न कार्यालयका प्रतिनिधिहरु सम्मिलित टोलीले एक साता लगाएर जिल्लामा रहेका १२ क्रसर तथा ३२ बालुवा प्रशोधन उद्योगको अवस्था र मापदण्डबारे अनुगमन गरेको थियो ।

आइतबार अध्ययन प्रतिवेदन सार्वजनिक गर्दै प्रजिअ आचार्यले अनुगमनका क्रममा बालुवा वासिङ उद्योगको नाममा दर्ता गरि क्रसर उद्योग सञ्चालन गरेको, अनुमति नलिएको, क्रसर सञ्चालन गर्दा खोलामा नै क्रसर उद्योग सञ्चालन गरेको पाइएको बताए । बन्द गर्न निर्देशन दिएका उद्योगले अटेर गरे थप कारबाही गरिने उनले बताए ।

प्रकाशित : मंसिर ७, २०७७ १९:५७
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?