पाल्पामा एक कोरोना संक्रमितको मृत्यु- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

पाल्पामा एक कोरोना संक्रमितको मृत्यु

माधव अर्याल

पाल्पा — पाल्पामा शनिबार बिहान एक जना कोरोना संक्रमित पुरुषको निधन भएको छ ।

तस्बिरः सटरस्टक ।

तानसेनस्थित मिसन अस्पताल, भुषालडााडामा उपचारका क्रममा तानसेन नगरपालिका–१, गैरागाउँका ५६ वर्षीय पुरुषको मृत्यु भएको स्वास्थ्य कार्यालयका सूचना अधिकारी ओमप्रकाश पन्थीले जानकारी दिए ।

ढाड दुख्ने समस्या भएपछि मिसन अस्पतालमा उपचारका लागि गएको वडा सदस्य नारायण न्यौपानेले बताए ।

मृतक पुरुषको मिसन अस्पतालबाट स्वाब संकलन गर्दा नौ दिनअघि कोरोना पोजिटिभ देखिएको थियो ।

पाल्पामा कोरोना संक्रमणबाट मृत्यु हुनेको संख्या आठ पुगेको स्वास्थ्य कार्यालयले जनाएको छ । जिल्लामा कोरोना भाइरस संक्रमितको संख्या १ हजार ८५ पुगेको छ । जसमध्ये २ सय ८२ जना सक्रिय संक्रमित छन् ।

प्रकाशित : कार्तिक ८, २०७७ ०९:४६
प्रतिक्रिया
पठाउनुहोस्

बुटवलको कोरोना अस्पतालमा थप एक संक्रमितको मृत्यु

सन्जु पौडेल

तिलोत्तमा — रुपन्देहीको बुटवलस्थित कोरोना विशेष अस्पतालमा शनिबार बिहान एक संक्रमितको मृत्यु भएको छ । तिलोत्तमा नगरपालिका–७ का ७५ वर्षीय पुरुषको मृत्यु भएको हो ।

स्वास्थ्यमा समस्या आएपछि कात्तिक ५ गते लुम्बिनी प्रादेशिक अस्पताल पुगेका उनलाई ५ गते नै कोरोना पुष्टि भएपछि कोरोना विशेष अस्पतालमा भर्ना गरिएको थियो । उनको उपचारकै क्रममा शनिबार बिहान ७ः४५ बजे मृत्यु भएको अस्पतालका प्रवक्ता डा. विष्णु गौतमले बताए । यससँगै रूपन्देहीमा कोरोनाले मृत्यु हुनेको संख्या ६२ पुगेको छ ।

प्रकाशित : कार्तिक ८, २०७७ ०९:४३
पूरा पढ्नुहोस्
प्रतिक्रिया
पठाउनुहोस्
×