बाँकेमा कोरोनाबाट थप एकको मृत्यु

जिल्ला कोभिड –१९ संकट व्यवस्थापन केन्द्र बाँकेका अनुसार कोरोना संक्रमित ती पुरुषको उपचारका क्रममा बिहीबार बेलुका ४ बजेर ५० मिनेटमा मृत्यु भएको हो । गत असोज २७ गते स्वास्थ्यमा समस्या आएपछि कोरोना भाइरस संक्रमणको आशंकामा स्वाब जाँच गरिएको थियो । सोही दिन आएको पीसीआर रिपोर्टमा उनमा कोरोना पोजिटिभ आएको थियो ।

नेपालगन्ज मेडिकल कलेज शिक्षण अस्पताल कोहलपुरको कोभिड–१९ युनिटमा राखेर रोगको प्रकृतिअनुसार अक्सिजन थेरापी, अन्टिबायोटिकसँगै भेन्टिलेटरमा राखेर उपचार गर्दा गर्दै उनको मृत्यु भएको अस्पतालले जनाएको छ । मृतक ५५ वर्षीय पुरुष लामो समयदेखि मधुमेह र उच्च रक्तचापबाट ग्रसित थिए ।