देवदहमा होम आइसोलेसनमा रहेकी कोरोना संक्रमितको मृत्यु
तिलोत्तमा — रुपन्देहीको देवदह नगरपालीकामा होम आइसोलेसनमा बसेकी एक संक्रमित महिलाको मृत्यु भएको छ । मृत्यु हुनेमा देवदह–८ की ७७ वर्षीया महिला रहेको देवदह नगरपालीकाका स्वास्थ्य शाखा प्रमुख काशिनाथ बन्जाडेले बताए ।
कात्तिक २ गते स्वास्थ्यमा समस्या भइ चितवनको भरतपुर अस्पताल लगिएकी उनको ४ गते नतिजा पोजिटिभ आएपछि अस्पतालले फिर्ता पठाइदिएको थियो । फिर्ता ल्याइ होम आइासेलेसनमा राखिएकी उनको बिहीबार बिहान मृत्यु भएको बन्जाडेले जनाए ।