बस दुर्घटनामा चालकको मृत्यु
प्युठान — प्युठानमा मंगलबार बस दुर्घटनामा एक जनाको ज्यान गएको छ ।
दाङको घोराही जान लागेको ना४घ ५५६१ नम्बरको बस माण्डवी गाउँपालिका–२ गोलबाङमा दुर्घटनाग्रस्त हुँदा चालक ४० वर्षीय तारा रानाको घटनास्थलमै मृत्यु भएको प्रहरीले जनाएको छ ।
दुर्घटनामा ३ जना घाइते भएका छन् । तीमध्ये दुई जनाको अवस्था गम्भीर रहेको जिल्ला प्रहरी कार्यालयका प्रमुख डीएसपी सुनील मल्लले जानकारी दिए । घाइतेलाई उपचारका लागि दाङको घोराही लगिादै गरेको उनले बताए ।
प्रकाशित : कार्तिक ४, २०७७ १२:३७प्रतिक्रिया