पाल्पामा कोरोनाबाट एकको मृत्यु

तानसेनस्थित युनाइटेड मिसन अस्पतालमा उपचारका क्रममा वृद्धको शनिबार निधन भएको हो । शनिबार मृत्यु भएपनि स्वाब परीक्षणको नतिजा ढिला आएकाले स्वास्थ्य कार्यालयले सोमबार बेलुकी मात्र पुष्टि गरेको हो ।

पाल्पामा पाल्पामा योसँगै मृत्यु हुनेको संख्या ६ पुगेको छ । तीन दिनअघि मात्रै तानसेन नगरपालिका–७, का ३३ वर्षीय पुरुषको मृगौलाको डायलाशिस गर्ने क्रममा रुपन्देहीमा मृत्यु भएको थियो । यसअघि तानसेनको अर्गली, दमकडा, पिपलडाँडाका एक/एक र सिलुवामा एक जनाको मृत्यु भएको थियो ।

पाल्पामा कोरोना भाइरस संक्रमितको संख्या १ हजार २१ पुगेको छ भने सक्रिय संक्रमितको संख्या २ सय ४५ रहेको स्वास्थ्य कार्यालयले जनाएको छ । अहिलेसम्म ७ सय ७० जना निको भएर घर फिर्ता भएका छन् ।