पाल्पामा एकैदिन ७५ जना संक्रमित
पाल्पा — पाल्पामा एकैदिन ७५ जना कोरोना संक्रमित थपिएका छन् । पीसीआर परीक्षणमा ५५ पुरुष र २० महिलामा कोरोना देखिएको स्वास्थ्य कार्यालयले शनिबार जनाएको छ । कार्यालयका अनुसार लकडाउनपछि सबैभन्दा धेरै शनिबार कोरोना भाइरस संक्रमित दखिएका हुन् ।
रामपुरका २०, तानसेनका १८, पूर्वखोलाका ९, रैनादेवीका २, माथागढीका २ जनामा कोरोना संक्रमण पुष्टि भएको स्वास्थ्य कार्यालय पाल्पाका सूचना अधिकारी ओम प्रकाश पन्थीले जनाए । यस्तै, बगनासकालीका १९, तिनाउका २, रिब्दीकोटका १, अस्पतालमा २ जनामा कोरोना संक्रमित थपिएका हुन् ।
जिल्लामा ९ सय ६९ जनामा कोरोना देखिएकामा समुदायस्तरमा ३ सय ३० जनामा कोरोना संक्रमण पुष्टि भएको स्वास्थ्य कार्यालयले जनाएको छ । जिल्लाका ५ जना कोरोना संक्रमितको मृत्यु भएको छ ।
प्रकाशित : कार्तिक १, २०७७ १९:३५प्रतिक्रिया