बाँकेमा कोरोना संक्रमणबाट २ जनाको मृत्यु- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

बाँकेमा कोरोना संक्रमणबाट २ जनाको मृत्यु

रुपा गहतराज

नेपालगन्ज — बाँकेमा एकै दिन दुई कोरोना संक्रमितको मृत्यु भएको छ । नेपालगन्ज–१९ कारकादोकी १८ वर्षीया युवती र नेपालगन्ज–१० भृकुटीनगरका ६१ वर्षीय पुरुषको उपचारकै क्रममा शुक्रबार राति मृत्यु भएको जिल्ला कोभिड संकट व्यवस्थापन केन्द्रका फोकल पर्सन नरेश श्रेष्ठले बताए ।

फोकल पर्सन नरेश श्रेष्ठका अनुसार नेपालगन्ज–१९ कारकादोकी १८ वर्षीया कोरोना संक्रमित ती युवतीको शुक्रबार राति ९:३० बजे मेडिकल कलेज कोहलपुरमा र नेपालगन्ज–१० भृकुटीनगरका ६१ वर्षीय पुरुषको शुक्रबार राति ९ बजे भेरी अस्पतालमा मृत्यु भएको हो ।

मृतक युवतीलाई कोभिड–१९ को शंका लागि असोज २८ गते स्वाब संकलन गरी परीक्षण गर्न दिएकोमा २९ गते आएको नतिजामा उनलाई कोरोना देखिएको थियो । कोरोना पुष्टि भएसँगै उनी असोज २९ गते राति १० बजे अस्पतालको कोभिड–१९ आइसोलेसन वार्डमा भर्ना गरी उपचार सुरु गरिएको थियो ।

त्यसैगरी, नेपालगन्ज–१० भृकुटीनगरका ६१ वर्षीय पुरुषले कोभिड–१९ को आशंकामा असोज २४ गते स्वाब दिएका थिए । २५ गतेको पीसीआर जाँचको रिपोर्टमा उनलाई कोरोना पुष्टि भएको थियो । कोरोना पुष्टि भएसँगै उनी असोज २४ गते दिउँसो भेरी अस्पतालको कोभिड–१९ आइसोलेसन वार्डमा भर्ना गरी उपचार सुरु गरिएको र उपचारकै क्रममा शुक्रबार राति उनको मृत्यु भएको थियो ।

योसँगै बाँकेमा कोरोनाबाट ज्यान गुमाउनेको संख्या २९ पुगेको छ ।

प्रकाशित : कार्तिक १, २०७७ १०:५६
प्रतिक्रिया
पठाउनुहोस्

अस्पताल लैजाने क्रममा बाटोमै संक्रमित महिलाको मृत्यु

सन्जु पौडेल

तिलोत्तमा — बुटवलमा एक जना कोरोना संक्रमित महिलाको मृत्यु भएको छ ।  ती महिलालाई स्वास्थ्यमा समस्या भई शुक्रबार गम्भीर अवस्थामै लुम्बिनी प्रादेशिक अस्पताल ल्याइएको थियो ।

गुल्मीको रेसुंगा नगरपालिका–३ की ५८ वर्षीया महिलाको पीसीआर पोजिटिभ आएपछि कोरोना विशेष अस्पतालको आईसीयूमा लैजाने क्रममा शुक्रबार साँझ साढे ६ बजे बाटोमै मृत्यु भएको अस्पतालका सूचना अधिकारी डा. विष्णु गौतमले बताए ।

मृतकमा श्वासप्रश्वासको समस्या देखिएको अस्पतालले जानकारी दिएको छ ।

प्रकाशित : कार्तिक १, २०७७ १०:२९
पूरा पढ्नुहोस्
प्रतिक्रिया
पठाउनुहोस्
×