कोरोना संक्रमणबाट भैरहवामा एक पुरुषको मृत्यु- लुम्बिनी - कान्तिपुर समाचार

कोरोना संक्रमणबाट भैरहवामा एक पुरुषको मृत्यु

माधव ढुंगाना

भैरहवा — कोभिड–१९ को संक्रमणबाट बिहीबार दिउँसो भैरहवामा एक व्यक्तिको मृत्यु भएको छ । भीम अस्पतलमा उपचाररत रुपन्देहीको कञ्चन गाउँपालिका–१ का ५५ वर्षीय पुरुषको बिहीबार दिउँसो १ बजे मृत्यु भएको जानकारी अस्पतालका सूचना अधिकृत डा.नारायण पोखरेलले दिए ।

उनका अनुसार, ती पुरुष बुधबार राति साढे ८ बजे अस्पतालमा भर्ना भएका थिए ।

उनको गत मंगलबार पीसीआर परीक्षण भएको थियो । ती पुरुषमा उच्च रक्तचाप, मिर्गौला र मुटु सम्बन्धी रोग थियो ।

प्रकाशित : आश्विन २९, २०७७ १५:४७
प्रतिक्रिया
पठाउनुहोस्

ठोरीमा प्रहरी र हतियारधारी समूहबीच दोहोरो फायरिङ, ४ जना पक्राउ

भूषण यादव

वीरगन्ज — पर्साको ठोरी गाउँपालिकाको विजयवस्तीस्थित ओरिया खोलाको बगरमा बुधबार राति प्रहरी र हतियारधारी समूहबीच दोहोरो फायरिङ भएको छ ।

हतियारसहित चार जनालाई प्रहरीले पक्राउ गरेको छ । इलाका प्रहरी कार्यालय ठोरीका प्रमुख प्रहरी निरीक्षक अशोक साहका अनुसार पक्राउ परेका ४ जना स्थानीय नै हुन् ।

उनीहरुबाट एक थान भरुवा बन्दुक, त्यसमा प्रयोग हुने चार राउण्ड गोली र एक थान खुकुरी बरामद भएको इन्सपेक्टर साहले जनाए । उनका अनुसार लागूऔषध गाँजा आइरहेको सूचनाको आधारमा बगरमा प्रहरी खटाइएको थियो ।

प्रहरी टोलीलाई देखेर हतियारधारी समूहले फायरिङ गरेपछि जवाफी कारबाहीमा प्रहरीले दुई राउण्ड गोली चलाएको थियो । ‘चार जना हतियारधारी नियन्त्रणमा आएपनि गाँजा भने फेला परेन,’ इन्सपेक्टर साहले भने, ‘उनीहरु के प्रायोजनले आएका थिए, त्यसको अनुसन्धान भइरहेको छ ।’

प्रकाशित : आश्विन २९, २०७७ १५:११
पूरा पढ्नुहोस्
प्रतिक्रिया
पठाउनुहोस्
×