कोरोना संक्रमणबाट बाँकेमा थप एकको मृत्यु 

ती पुरुषको स्वास्थ्यमा समस्या आएपछि असोज १२ गते नेपालगन्ज मेडिकल कलेज, शिक्षण अस्पताल कोहलपुरमा कोरोना परीक्षणका लागि नमुना दिएका थिए । त्यसको दुई दिनपछि उनको रिपोर्ट कोरोना पोजिटिभ आएको थियो ।

उनलाई तत्काल मेडिकल कलेज कोहलपुरमा भर्ना गरियो । रेमडिसिभिर, प्लाज्मा थेरापीलगायत विधिबाट उपचार गर्दा समेत उनको स्वास्थ्य अवस्थामा सुधार नआएपछि मेडिकल कलेजले शुक्रबार राति ९ बजे भेरी अस्पताल नेपालगन्जमा रिफर गरेको थियो । उनलाई फोक्सोमा निमोनिया भएको थियो ।

यो सँगै बाँकेमा कोरोना भाइरस संक्रमणबाट ज्यान गुमाउनेको संख्या २४ पुगेको छ ।