देउखुरीलाई प्रदेश राजधानी बनाउने प्रस्तावविरुद्ध कपिलवस्तुमा रिले अनशन- प्रदेश ५ - कान्तिपुर समाचार
कान्तिपुर वेबसाईट
AdvertisementAdvertisement

देउखुरीलाई प्रदेश राजधानी बनाउने प्रस्तावविरुद्ध कपिलवस्तुमा रिले अनशन

मनोज पौडेल

कपिलवस्तु — प्रदेश ५ को राजधानी दाङको देउखुरीमा राख्‍ने प्रस्ताव प्रदेश सभामा दर्ता भएपछि त्यसको विरोध गर्दै कपिलवस्तुको सदरमुकाम तौलिहवामा रिले अनशन थालिएको छ ।

कपिलवस्तु बासीका नाममा नागरिक अगुवा, जनप्रतिनिधि र अधिकारकर्मीहरु शनिबार ४ बजेबाट रिले अनशन बसेका छन् । प्रशासन कार्यालय अघि सुरक्षाकर्मीको बाक्लो उपस्थितीमा अनसन थालिएको छ । शनिबार कपिलवस्तु-१का अध्यक्ष सुदिप पौडेल, स्थानीयहरु उफअहमद खा, बृजेश भटरा, अशोक गुप्ता र सन्तोष कसौधन अनशन बसेका हुन् ।

उनीहरुले प्राचीन शाक्यवंशीय राजधानी कपिलवस्तुलाई ५ नम्बर प्रदेशको राजधानी बनाउन माग गर्दै आन्दोलन थालेका हुन् । पहिलो दिन ५ जना अनशन बसेका छन् । उनीहरुले माग पूरा नहुञ्जेल अनशन जारी रहने बताएका छन् । आन्दोलनमा ऐक्यबद्धता गर्दै हस्ताक्षर अभियान पनि चलाइएको छ ।

प्रकाशित : आश्विन १७, २०७७ १७:३७
प्रतिक्रिया
पठाउनुहोस्

प्रदेश १ मा एकैदिन २ सय ५५ संक्रमित थपिए, २ सय ८७ डिस्चार्ज

कान्तिपुर संवाददाता

मोरङ — प्रदेश १ मा शनिबार २ सय ५५ जना कोरोना संक्रमित थपिएका छन् । जसमा ९६ महिला र १५९ पुरुष हुन् । दैनिक संक्रमण संख्यामा यो अहिलेसम्मकै उच्च हो । 

सामाजिक विकास मन्त्रालयका अनुसार सुनसरीमा १ सय २२, मोरङमा १ सय २, झापामा ६, उदयपुरमा ५, खोटाङमा ४, संखुवासभा र ओखलढुङ्गामा ३/३, धनकुटामा १ र प्रदेश १ बाहिरका ९ जना रहेका छन् । जसमध्ये विराटनगर महानगरमा मात्रै ८७ जना संक्रमित थपिएका छन् । सुनसरीको धरान उपमहानगरमा ९८ जनामा संक्रमण देखिएको छ । यस प्रदेशमा कोरोना संक्रमितको संख्या ७ हजार ४ सय ३२ पुगेको छ । जसमा ३ हजार ७ सय २५ जना निको भएका छन् भने ८० जनाको मृत्यु भइसकेको छ ।

यसैबीच शनिबार प्रदेश १ बाट २ सय ८७ जना संक्रमित निको भएर डिस्चार्ज भएका छन् । होम आइसोलेसनबाट २ सय ६३, बीपी कोइराला स्वास्थ्य विज्ञान प्रतिष्ठान धरान र जेनरल अस्पताल हरिनगरबाट ९/९, गढी आइसोलेसन केन्द्रबाट ५ र होटल एशियाटिकबाट १ जना डिस्चार्ज भएका छन् । हालसम्म डिस्चार्ज हुनेको संख्या ३ हजार ७२५ पुगेको छ । यस प्रदेशमा हालसम्ममा १ लाख २६ हजार ८ सय ९० जनाको पीसीआर परीक्षण भएको सामाजिक विकास मन्त्रालयले जनाएको छ ।

प्रकाशित : आश्विन १७, २०७७ १७:२०
पूरा पढ्नुहोस्
प्रतिक्रिया
पठाउनुहोस्
×