बर्दियामा कोरोना संक्रमित प्रहरीको संख्या ४५ पुग्यो- प्रदेश ५ - कान्तिपुर समाचार

बर्दियामा कोरोना संक्रमित प्रहरीको संख्या ४५ पुग्यो

कान्तिपुर संवाददाता

बर्दिया — भेरी अस्पताल नेपालगन्जमा गरिएको पीसीआर परीक्षणमा मंगलबार थप ३ प्रहरीमा कोरोना संक्रमण पुष्टि भएको छ । जिल्लामा हालसम्म ४५ जना कोरोना संक्रमितमध्ये ८ जना प्रहरी निको भई घर फर्किसकेको प्रमुख जिल्ला अधिकारी लिलाधर अधिकारीले बताए ।

विगतमा प्रहरीले गुलरियालगायत ठाउँमा परिचालन भए पनि अहिले सशस्त्र प्रहरी परिचालित छन् । जिल्लामा कुल ६ सय ७४ जना कोरोना संक्रमित भएका छन् । तीमध्ये ४ सय ७८ जना निको भई घर फर्किसकेको प्रजिअ अधिकारीले बताए ।

जिल्लामा लक्षणसहितको कोरोना संक्रमण देखिएपछि बजार बिहान १० देखि ५ बजेसम्म मात्र खुला गर्न दिइएको छ । यसअघि बिहान ८ देखि ६ बजे खुल्ला र शनिबार बजार बन्द हुने गरेको थियो ।

प्रकाशित : आश्विन १३, २०७७ १७:४२
प्रतिक्रिया
पठाउनुहोस्

कालोबजारी नियन्त्रणका लागि प्रभावकारी अनुगमन गर्नुपर्ने सांसदहरुको माग

कान्तिपुर संवाददाता

काठमाडौँ — सांसदहरुले चाडपर्व नजिकिदै गर्दा उपभोग्य वस्तुको मूल्यवृद्धि गरेर कालोबजारी भइरहेकाले नियन्त्रणका लागि प्रभावकारी अनुगमन गर्नुपर्ने बताएका छन् ।

संसद्को उद्योग तथा वाणिज्य र श्रम तथा उपभोक्ता हित समितिमा भएको छलफलमा सांसदहरुले मूल्यवृद्धि नियन्त्रणका लागि सम्बन्धित निकायले अनुगमन गर्न आग्रह गरेका हुन् ।

सांसद देवेन्द्र पौडेलले बजार मूल्यमा समानता नभएको, अस्वभाविक रुपमा मूल्य बढेकाले नियन्त्रण गर्नुपर्ने बताए । नियन्त्रणका लागि सम्बन्धित निकायलाई पत्राचार गरी प्रभावकारी अनुगमन गर्न निर्देशन दिनुपर्ने उनले बताए ।

सांसद भिमसेनदास प्रधानले दिनदिनै अस्वभाविक रुपमा मूल्य वृद्धि भइरहेको बताए । अस्वभाविक रुपमा मूल्यवृद्धि गर्नेलाई कडा कारबाही गर्नुपर्ने बताए ।

सांसद सुजाता परियारले मूल्य वृद्धि भइरहँदा बजार अनुमगन गर्ने सम्बन्धित निकायलाई छलफलमा बोलाउनुपर्ने बताइन् ।

समिति सभापति विमल प्रसाद श्रीवास्तवले मूल्य नियन्त्रणका लागि सम्बन्धित निकायलाई अनुगमन गर्न निर्देशन दिने निर्णय भएको बताए । समितिमा छलफलका लागि बोलाउने वातावरण नबनेसम्म सचिवालयलाई सम्बन्धित निकायलाई बोलाएर मूल्यवृद्धिका विषयमा सोधपुछ गर्न निर्देशन दिएको छ ।

प्रकाशित : आश्विन १३, २०७७ १७:२९
पूरा पढ्नुहोस्
प्रतिक्रिया
पठाउनुहोस्
×