बाँकेबाट एकैदिन ४४ जना डिस्चार्ज- प्रदेश ५ - कान्तिपुर समाचार

बाँकेबाट एकैदिन ४४ जना डिस्चार्ज

रुपा गहतराज

नेपालगन्ज — बाँकेमा मंगलबार ४४ जना कोरोना निको भएपछि डिस्चार्ज भएका छन् । जिल्ला स्वास्थ्य कार्यालय, बाँकेका अधिकृत एवं कोरोनाका फोकल पर्सन नरेश श्रेष्ठले विभिन्न आइसोलेसनमा बसेका प्रहरीसहित २९ पुरुष, १५ महिलासहित ४४ जना डिस्चार्ज भएको बताए । जसमा नेपालगन्ज र कोहलपुरका धेरै छन् ।

कोरोनाका फोकल पर्सन श्रेष्ठका अनुसार, १४ दिन आइसोलेसनमा बसेका उनीहरुलाई डिस्चार्ज गरिएको हो । यो सँगै जिल्लामा १ हजार ५ सय ७ जना डिस्चार्ज भएका छन् । मंगलबारसम्म आइसोलेसनमा ३ सय ५१ जना छन् ।

जिल्लामा कोरोनाबाट १५ जनाको मृत्यु भइसकेको छ । जसमा बाहिर जिल्लाका ५ जना छन् । जिल्लामा कोरोना संक्रमितको संख्या १ हजार ८ सय ७३ पुगेको छ ।

प्रकाशित : आश्विन १३, २०७७ १७:०२
प्रतिक्रिया
पठाउनुहोस्

पीसीआर परीक्षण १० लाख नाघ्यो

कान्तिपुर संवाददाता

काठमाडौँ — नेपालमा पीसीआर परीक्षणको संख्या १० लाख नाघेको छ । नियमित मिडिया ब्रिफिङका क्रममा स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा थप १० हजार ८ सय ९१ परीक्षणहरु भएसँगै पीसीआर परीक्षणको संख्या १० लाख नाघेको हो । 

मंगलबारसम्म नेपालमा पीसीआर विधिबाट कोरोना परीक्षणको संख्या १० लाख ९ हजार २ सय ९८ पुगेको मन्त्रालयले जनाएको छ ।

पछिल्लो समय विभिन्न जिल्ला अस्पतालहरुमा स्थानीय तहको सहयोगमा पीसीआर ल्याब स्थापना हुन थालेपछि मुलुकभर दैनिक १० हजारको हारहारीमा पीसीआर परीक्षण भइरहेको छ ।

मंगलबारसम्म २ सय १३ जना कोरोना संक्रमित आईसीयूमा र ३४ जनाको भेन्टिलेटरमा उपचार भइरहेकको मन्त्रालयले जनाएको छ । वाग्मती प्रदेशमा सबैभन्दा धेरै संक्रमितहरुको भेन्टिलेटर र आईसीयूमा उपचाररत छन् । यस प्रदेशमा १ सय १० जना आईसीयूमा र २६ जना भेन्टिलेटरमा उपचाररत रहेको मन्त्रालयद्वारा जारी विज्ञप्तिमा उल्लेख छ ।

हालसम्म नेपालमा ७६ हजार २ सय ५८ जनामा कोरोना संक्रमण देखिएको छ भने कोरोनाबाट निको हुनेको संख्या ५५ हजार ३ सय ७१ पुगेको छ । कूल संक्रमितको ७२.६ प्रतिशत निको भएका हुन् ।

मुलुकभर सक्रिय कोरोना संक्रमिको संख्या २० हजार ३ सय ९६ जना रहेको मन्त्रालयले जनाएको छ ।

प्रकाशित : आश्विन १३, २०७७ १६:५२
पूरा पढ्नुहोस्
प्रतिक्रिया
पठाउनुहोस्
×