३०.१२°C काठमाडौं
बाँकेबाट एकैदिन ४४ जना डिस्चार्ज
नेपालगन्ज — बाँकेमा मंगलबार ४४ जना कोरोना निको भएपछि डिस्चार्ज भएका छन् । जिल्ला स्वास्थ्य कार्यालय, बाँकेका अधिकृत एवं कोरोनाका फोकल पर्सन नरेश श्रेष्ठले विभिन्न आइसोलेसनमा बसेका प्रहरीसहित २९ पुरुष, १५ महिलासहित ४४ जना डिस्चार्ज भएको बताए । जसमा नेपालगन्ज र कोहलपुरका धेरै छन् ।
कोरोनाका फोकल पर्सन श्रेष्ठका अनुसार, १४ दिन आइसोलेसनमा बसेका उनीहरुलाई डिस्चार्ज गरिएको हो । यो सँगै जिल्लामा १ हजार ५ सय ७ जना डिस्चार्ज भएका छन् । मंगलबारसम्म आइसोलेसनमा ३ सय ५१ जना छन् ।
जिल्लामा कोरोनाबाट १५ जनाको मृत्यु भइसकेको छ । जसमा बाहिर जिल्लाका ५ जना छन् । जिल्लामा कोरोना संक्रमितको संख्या १ हजार ८ सय ७३ पुगेको छ ।
प्रकाशित : आश्विन १३, २०७७ १७:०२प्रतिक्रिया
