तिनाउले बगाउँदा एक महिलाको मृत्यु- प्रदेश ५ - कान्तिपुर समाचार
कान्तिपुर वेबसाईट
AdvertisementAdvertisement

तिनाउले बगाउँदा एक महिलाको मृत्यु

७ गतेदेखि हराइरहेका तिलोत्तमाका एक युवकको शव तपाहा नहरमा फेला
सन्जु पौडेल

तिलोत्तमा — तिनाउ नदीमा आएको बाढीले बगाउँदा रुपन्देहीको बुटवलमा एक महिलाको ज्यान गएको छ ।

इलाका प्रहरी कार्यालय बुटवलका डीएसपी प्रतीतसिंह राठौरले दिएको जानकारीअनुसार शुक्रबार राति ९ बजे घरबाट हिँडेकी बुटवल उपमहानगरपालिका–१२ दुर्गानगरकी ४० वर्षीया विष्णु राईको शनिवार बिहान साढे सात बजे बुटवल १५, चंकीपुरमा दानव नदीमा शव फेला परेको हो ।

त्यस्तै गत असोज ७ गतेदेखि हराएका तिलोत्तमा–२ का २९ वर्षीय राजेन्द्र पौडेलको तिलोत्तमा २ स्थित तपाहा नहरमा शव फेला परेको डीएसपी राठौरले बताए । मोटरसाइकलबाट खसेर पानीमा डुबेको अवस्थामा हेल्मेटसहित शव भेटिएको उनले जनाए ।

प्रकाशित : आश्विन १०, २०७७ १३:३०
प्रतिक्रिया
पठाउनुहोस्

मकवानपुरको विमिरे र ज्यामिरे खोलामा एक-एक शव फेला

सुवास विडारी

मकवानपुर — मकवानपुरको छुट्टाछुट्टै स्थानमा खोलाले बगाएको अवस्थामा दुई वटा शव फेला परेको छ । शनिबार बिहान मकवानपुरको कैलाश गाउँपालिका र हेटौंडा उपमहानगरपालिकामा गरी दुई जनाको शव फेला परेको जिल्ला प्रहरी कार्यालय मकवानपुरले जनाएको छ ।

कैलाश गाउँपालिका वडा नम्बर ५ र १ को सीमामा पर्ने विमिरे खोलामा एक पुरुषको फेला परेको र अहिले इलाका प्रहरी कार्यालय पालुङको टोली त्यसतर्फ गएको प्रहरीले जनाएको छ ।

‘घटनास्थल पुुुुग्न पालुङबाट करिब ४ घण्टा लाग्ने भएकोले घटनाको थप विवरण भने प्राप्त हुन सकेको छैन,’ जिल्ला प्रहरी कार्यालय मकवानपुरका प्रहरी उपरीक्षक सुशीलसिं राठौरले जानकारी दिए ।

हेटौंडा–१९ मा पर्ने ज्यामिरे खोलामा पनि एक महिलाको शव फेला परेको र अहिले त्यसतर्फ इलाका प्रहरी कार्यालय कार्यालय नेवारपानीबाट प्रहरी टोली गइसकेको राठौरले बताए । उनका अनुसार अन्दाजी ४५ वर्षीया महिलाको शव खोलामा फेला परेको हो ।

प्रकाशित : आश्विन १०, २०७७ १२:४२
पूरा पढ्नुहोस्
प्रतिक्रिया
पठाउनुहोस्
×