तिनाउमा खसेका एक पुरुषको उद्धार
तिलोत्तमा — रुपन्देहीको तिलोत्तमा नगरपालिका-६, गोरकट्टास्थित निर्माणाधीन पुलबाट तिनाउ खोलामा खसेका एक पुरुषको प्रहरीले उद्धार गरेको छ ।
इलाका प्रहरी कार्यालय मंगलापुर र इलाका प्रहरी कार्यालय बुटवलको टोलीले शुक्रबार बिहान बेहोस अवस्थामा उद्धार गरेको हो ।
उनी बिहीबार राति साइकलमा हिँड्दै गर्दा खसेको हुन सक्ने प्रहरीले जनाएको छ । उनको पहिचान खुलेको छैन । उनको लुम्बिनी प्रादेशिक अस्पतालमा उपचार भइरहेको इलाका प्रहरी कार्यालय बुटवलका प्रमुख प्रहरी नायब उपरीक्षक प्रतीतसिंह राठौरले बताए । स्थानीयले खबर गरेपछि प्रहरी टोली गई उद्धार गरेको उनले जानकारी दिए ।
प्रकाशित : आश्विन ९, २०७७ ०९:३०