कपिलवस्तुमा बाढीले गाडी बगाउँदा बेपत्तामध्ये १ को शव फेला

विद्युत् प्राधिकरण जीतपुर फ्यूज सेवा कार्यालय जीतपुरका प्रमुख वाणगंगा नगरपालिका ४ का कृष्णप्रसाद पौडेलको शव अझै फेला पर्न सकेको छैन ।

प्राधिकरणको जीतपुर फ्यूज कार्यालयको बा१ञ १०८९ नंबरको पजेरो भलवार्डबाट विद्युत मर्मत संभार गरेर फर्कने क्रममा बुधबार ३ बजेतिर बगाएको थियो ।

बुधबार गाडी बगाउँदा ३ जना बेपत्ता भएका थिए । कार्यालयका हेल्पर माधवप्रसाद पाण्डेको शव बुधबार नै फेला परेको थियो । उनी गुल्मी तम्घासका हुन् । गाडीसहित बगेका ३ जना भने सकुशल छन् । गाडीमा ४ कर्मचारी र २ सर्वसाधारण सवार थिए । सर्वसाधारण नदी तर्न मात्रै गाडीमा चढेका थिए । सेना र सशस्त्र प्रहरीका गोताखोरले बिहानदेखि खोजतलास गरिरहेको प्रमुख जिल्ला अधिकारी दीर्घनारायण पौडेलले बताए । दुइटा डुंगामा खोजतलास गरिरहेका छन् ।