कपिलवस्तुमा बाढीले प्राधिकरणको गाडी बगायो, १ को मृत्यु, २ जना बेपत्ता

विद्युत प्राधिकरण जीतपुर फ्यूज सेन्टरको बा १ ञ १०८९ नंबरको पिकअप भलवार्डबाट विद्युत् मर्मतसंभार गरेर फर्कने क्रममा बुधबार दिउँसो ३ बजेतिर बगाएको हो । मृत्यु हुनेमा गुल्मीको तामघासका हेल्पर माधवप्रसाद पाण्डे रहेका छन् । उनले नै पिकअप चलाएका थिए ।

त्यस्तै सुपरभाइजर कृष्ण पोखरेल बेपत्ता रहेको जिल्ला प्रहरी प्रमुख उपरीक्षक नवराज अधिकारीले बताए ।

त्यस्तै अर्घाखाँची शितगंगा नगरपालिकाका केशवप्रसाद भाट बेपत्ता रहेको उनले बताए । पिकअपमा ६ जना रहेका थिए । ४ कर्मचारी र दुई सर्वसाधारण चढेका थिए । तीन जना पौडी खेलेर बाँच्न सफल भएका छन् । सेना, सशस्त्र र नेपाल प्रहरीले बेपत्ताको खोजी गरिरहेका छन् ।