ब्राउन सुगरसहित एक पक्राउ
दाङ — जिल्ला प्रहरी कार्यालय दाङले लमहीबाट ब्राउन सुगरसहित एक जनालाई पक्राउ गरेको छ ।
नेपालगञ्ज-११ का ३५ वर्षीय महिन अन्सारीलाई ३ सय २५ ग्राम ब्राउन सुगरसहित आइतबार राति पक्राउ गरिको जिल्ला प्रहरीका डीएसपी सुमित खड्काले बताए ।
नेपालगञ्जबाट दाङ प्रवेश गर्ने क्रममा अन्सारीलाई प्रहरीले लागूऔषधसहित पक्राउ गरेको थियो । ब्राउन सुगरको मूल्य करिब एक करोड रहेको प्रहरीले जनाएको छ । अन्सारीलाई नियन्त्रणमा थप अनुसन्धान गरिरहेको उनले बताए ।
प्रकाशित : आश्विन ५, २०७७ १८:४७