सेप्टिक ट्यांकमा बालक मृत फेला
तिलोत्तमा — रुपन्देहीमा आइतबार एक बालक सेप्टिक ट्यांकभित्र मृत अवस्थामा फेला परेका छन् ।
जिल्लाको सिद्धार्थनगर नगरपालीका १०, दोदगहरी बस्ने १० वर्षीय सुगम कुर्मी आइतबार बिहान ३ बजे छिमेकीको निर्माणाधीन सेप्टिक ट्यांकभित्र पानीमा डुबेको अवस्थामा फेला परेका थिए ।
घरबाट बालक हराएपछि आफन्तले खोज्ने क्रममा घरदेखि झण्डै ३ सय मिटर पश्चिममा रहेको श्रवण लोनियाको घरमा निर्माणाधिन सेप्टिक ट्यांकभित्र मृत अवस्थामा भेटिएको जिल्ला प्रहरी कार्यालय रुपन्देहीले जनाएको छ । उनका अनुसार बालकको शव पोस्टमार्टमपश्चात आफन्तलाई जिम्मा लगाइएको र घटनाको थप अनुसन्धान भइरहेको छ ।
प्रकाशित : आश्विन ४, २०७७ १७:४५प्रतिक्रिया