रुपन्देहीमा सालकसहित ५ जना पक्राउ- प्रदेश ५ - कान्तिपुर समाचार

रुपन्देहीमा सालकसहित ५ जना पक्राउ

सन्जु पौडेल

तिलोत्तमा — रुपन्देहीमा संकटापन्न वन्यजन्तु सालकसहित ५ जना पक्राउ परेका छन् । मंगलबार दिउँसो साढे ३ बजे विशेष सुराकीको आधारमा इलाका प्रहरी कार्यालय बुटवलबाट खटिएको टोलीले बुटवल उपमहानगरपालीका–५ नेपालगन्ज रोडबाट दुर्लभ वन्यजन्तु सालक र ५ थान मोबाइलसहित उनीहरुलाई पक्राउ गरेको जिल्ला प्रहरी कार्यालय रुपन्देहीले जनाएको छ ।

पक्राउ पर्नेमा सिराहा जिल्लाको सिराहा नगरपालिका–७ बस्ने ३६ वर्षीय मनोज कुमार कर्ण, सिन्धुली जिल्लाको तीनपाटन गाउँपालिका वडा ३ का ३२ वर्षीय लोकबहादुर तामाङ र ६० वर्षीय लालबहादुर तामाङ, सर्लाही जिल्लाको हरिओम गाउँपालिका–१० बस्ने ६६ वर्षीय सूर्य लामा र उदयपुर जिल्ला गाईघाट नगरपालिका–१ की ३५ वर्षीया नेत्रमाया राना रहेका छन् ।

पक्राउ परेका उनीहरुलाई वन्यजन्तु कसुर सम्बन्धी कारबाहीका लागि डिभिजन वन कार्यालय रुपन्देही पठाइएको प्रहरी प्रवक्ता डिएसपी खड्कबहादुर खत्रीले जनाए ।

प्रकाशित : भाद्र ३०, २०७७ १९:५४
प्रतिक्रिया
पठाउनुहोस्

मोटर जोडेर पानी तान्‍ने क्रममा करेन्ट लाग्दा तीन बालबालिकाको मृत्यु

दुर्गालाल केसी

दाङ — मोटर जोडेर पानी तान्‍ने क्रममा करेन्ट लाग्दा मंगलबार घोराहीमा तीन बालबालिकाको मृत्यु भएको छ ।

घोराही उपमहानगरपालिका-१० उत्तर अमराईका ८ वर्षीय प्रशान्त चौधरी, ४ वर्षीया रेणुका चौधरी र ३ वर्षीय अमृत चौधरीको करेन्ट लागेर मृत्यु भएको जिल्ला प्रहरी प्रवक्ता डीएसपी सुमित खड्काले बताए ।

स्थानीय कुलोमा मोटर जोडेर पानी तान्‍ने क्रममा कुलोमा खेल्न गएका बालबालिकालाई करेन्ट लागेको उनले बताए ।

मोटरको तार सर्ट भएर करेन्ट लागेको हुन सक्‍ने प्रहरीले जनाएको छ । घटनाबारे थप अनुसन्धान भइरहेको खड्काले बताए ।

प्रकाशित : भाद्र ३०, २०७७ १९:५१
पूरा पढ्नुहोस्
प्रतिक्रिया
पठाउनुहोस्
×