कर्मचारीलाई कोरोना संक्रमण भएपछि जिल्ला प्रशासन कार्यालय दाङ बन्द
दाङ — एक कर्मचारीलाई कोरोना संक्रमण भएपछि जिल्ला प्रशासन कार्यालय दाङ बन्द गरिएको छ । शान्ति सुरक्षा मुद्दालगायत अत्यावश्यक सेवाबाहेक अन्य सबै सेवाहरु बुधबारदेखि अर्को सूचना जारी नभएसम्म बन्द गरिएको प्रमुख जिल्ला अधिकारी गोविन्दप्रसाद रिजालले बताए ।
जिल्ला आपत्कालीन कार्य सञ्चालन केन्द्रमा कार्यरत एक अधिकृतलाई मंगलबार कोरोना संक्रमण पुष्टि भएको उनले जानकारी दिए ।
शुक्रबार घर बिदामा गएका ती कर्मचारीलाई ज्वरो आएपछि चितवनमा गरीएको पीसीआर परीक्षण गर्दा कोरोना पोजिटिभ पुष्टि भएको हो । कन्ट्याक्ट ट्रेसिङका आधारमा प्रशासनका अन्य कर्मचारीको पीसीआर परिक्षण गर्ने तयारी भइरहेको रिजालले बताए ।
प्रकाशित : भाद्र १७, २०७७ ०९:५४प्रतिक्रिया
