रुपन्देहीमा थप ७३ जनामा कोरोना संक्रमण
तिलोत्तमा — रुपन्देहीमा पछिल्लो २४ घण्टामा थप ७३ जनामा कोरोना संक्रमण देखिएको छ । स्वास्थ्य कार्यालय रुपन्देहीले दिएको जानकारी अनुसार मंगलबार ४३ पुरुष र ३० महिलामा संक्रमण पुष्टि भएको हो ।
नयाँ संक्रमित हुनेमा बुटवल उपमहानगरपालीकाका ३१, तिलोत्तमा नगरपालिकाका २०, सिद्धार्थनगर नगरपालिकाका ५, देवदह नगरपालिकाका १, रोहिणी गाउँपालिकाका १५ र सियारी गाउँपालिकाका १ जना रहेका छन् ।
योसँगै जिल्लामा संक्रमित हुनेको संख्या १ हजार ७४ पुगेको छ भने ४ सय ३५ जना निको भएका छन् । अहिले यहाँका आइसोलेसनमा ६ सय २९ जना उपचाररत रहेका छन् । रुपन्देहीमा कोरोनाका कारण हालसम्म १० जनाको मृत्यु भएको छ ।
प्रकाशित : भाद्र १६, २०७७ १६:३७प्रतिक्रिया