कर्णाली नदीको तटबन्ध बग्यो- प्रदेश ५ - कान्तिपुर समाचार
कान्तिपुर वेबसाईट
AdvertisementAdvertisement

कर्णाली नदीको तटबन्ध बग्यो

कमल पन्थी

बर्दिया — कर्णाली नदी व्यवस्थापन आयोजना अन्तर्गत निर्माण भएको तटबन्ध दुई वर्ष नबित्दै नदीले बगाएको छ । दुई सय मिटर लामो तटबन्ध बगेपछि राजापुर—३ तिघ्रा लगायत आसपासका दर्जनौं गाउँ बाढी र कटानको उच्च जोखिममा परेका छन् ।

राजापुरमा बाढी र कटान रोक्न आर्थिक वर्ष ०७२/०७३ मा करिब ८ सय मिटर लामो तटबन्ध ६ करोड ८६ लाख ४० हजारमा निर्माण सुरु भएको थियो । ८ सय मिटर लामो तटबन्ध मध्ये २ सय मिटर बढि बगाएको हो ।

सरकारको प्राथमिकतामा परेको कर्णाली आयोजनाको काम गुणस्तरहीन भएकाले दुई वर्षमै बगेको स्थानीयले गुनासो पोखे । तटबन्ध बगाएपछि यस क्षेत्रका खेतीयोग्य जमिन कर्णाली नदीले कटान गरिरहेको राजापुर—३ का किसान प्रेम थारुले बताए । 'तटबन्ध बगाएको ठाउँबाट करिब तीन सय मिटर परसम्म कटान भइरहेको छ, ' उनले भने,‘कटान रोकिएन भने सिंगो तिघ्रा गाउँ नभइ राजापुर बजार उच्च जोखिममा छ ।'

आयोजनका सिनियर डिभिजनल इन्जिनियर महेश कुमार मण्डलले हाल सम्म २१ हजार बोरामा माटो भर्दे २ सय थान नाइनलको जालीले बाँधेर अस्थायीरुपमा नदी कटान रोक्ने प्रयास भइरहेको बताए । ठेकेदार कम्पनीको कामको म्याद अझै पाँच महिना भएकाले तटबन्ध बगेपनि पुन: निर्माण उसैले गर्नु पर्ने हुन्छ,’ उनले भने,‘शनिवारसम्म ५ वटा स्पर कर्णाली नदीले बगाइसकेको छ ।'

आयोजनाले आव ०७१/०७२ मा पाँच वर्षभित्रमन करिब ७३ किमी तटबन्ध गर्ने लक्ष्यका साथ काम सुरु गरेको थियो । हालसम्म करिब १७ किमी तटबन्धको काम सम्पन्न भएको छ ।

प्रकाशित : श्रावण ३१, २०७७ १६:५६
प्रतिक्रिया
पठाउनुहोस्

कोरोनाबाट थप ३ को मृत्यु, मृतकको स‌ंख्या १०२ पुग्यो

कान्तिपुर संवाददाता

काठमाडौँ — पछिल्लो २४ घन्टामा कोरोना संक्रमणबाट नेपालमा थप ३ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । कपिलवस्तु, पर्सा र धनुषा जिल्लाका एक/एक जनाको मृत्यु भएको हो ।

कपिलवस्तुको मायादेवी गाउँपालिका-७ का ४० वर्षीय पुरुषको साउन ३१ गते लुम्बिनी प्रादेशिक अस्पताल बुटवलममा मृत्यु भएको हो । त्यसैगरी पर्साको विरगञ्ज महानगरपालिका-१२ निवासी ६० वर्षीय पुरुषको साउन ३० गते नारायणी अस्थायी कोरोना अस्पतालमा मृत्यु भएको हो ।

धनुषाको जनक नन्दनी गाउँपालिका-४ निवासी ५० वर्षीय पुरुषको साउन २९ गते कोरोनाका कारण निधन भएको मन्त्रालयले जनाएको छ ।

हालसम्म नेपालमा ८० पुरुष र २२ महिला गरेर १०२ जनाको कोरोना संक्रमणबाट मृत्यु भएको छ ।

प्रकाशित : श्रावण ३१, २०७७ १६:४१
पूरा पढ्नुहोस्
प्रतिक्रिया
पठाउनुहोस्
×