२८.१२°C काठमाडौं
पहिरोले सिद्धार्थ राजमार्ग बन्द
पाल्पा — बुधबार रातिदेखिको अविरल वर्षाले सिद्धार्थ राजमार्गको पाल्पा–बुटवल सडक अवरुद्ध भएको छ । राजमार्गको तिनाउ गाउँपालिका–३, दोभान, सिद्धबाबा क्षेत्रमा पहिरो खसेर रातिदेखि अवरुद्ध भएको प्रहरी नायब उपरीक्षक मदन गिरीले बताए ।
राजमार्गअन्तर्गत पाल्पा–बुटवल सडकखण्डको तानसेन नगरपालिका–८ गौडेपुलमा समेत पहिरो खसेको छ ।
यस्तै राजमार्गकै चर्चरे, झुम्सा, दोभानमा पनि पहिरो खसेको छ । सडक सुचारु गर्न सडक डिभिजनको समन्यमा डोजर र लोडर परिचालन गरिएको प्रहरीले जनाएको छ । सिद्धबाबा क्षेत्रमा माथिल्लो भागबाट निरन्तर ढुंगासहितको पहिरो खसेको छ ।
पहिरो खसेर सडक अवरुद्ध हुँदा तराईबाट पहाड र पहाडबाट तराई झर्ने सवारी साधन र यात्रु अलपत्र परेका छन् । सिद्धार्थ राजमार्ग भएर पश्चिम पहाडका १० बढी जिल्लामा सवारी साधन आवतजावत हुन्छ ।
प्रतिक्रिया
