१४ सैनिकसहित प्यूठानमा थप २३ जनामा कोरोना- प्रदेश ५ - कान्तिपुर समाचार
कान्तिपुर वेबसाईट
AdvertisementAdvertisement

१४ सैनिकसहित प्यूठानमा थप २३ जनामा कोरोना

गिरुप्रसाद भण्डारी

प्यूठान — नेपाली सेनामा कार्यरत १४ जनासहित प्यूठानमा थप २३ जना कोरोना पुष्टि भएको छ । जिल्ला जनस्वास्थ्य कार्यालय प्यूठानका अनुसार ईन्द्रध्वज गण प्यूठानको आन्तरिक क्वारेन्टाइनमा बसेका १४ जना, स्वर्गद्वारी नगरपालिकामा भारतबाट आएर क्वारेन्टाइनमा बसेका ६ जना, १ जना मल्लरानी गाउँपालिका र १ जना जिल्ला प्रहरी कार्यालयमा हिरासतमा रहेकामा संक्रमण पुष्टि भएको हो ।

एक जना संक्रमितको ठेगाना खुल्न बाँकी रहेको जिल्ला स्वास्थ्य कार्यालय प्यूठानका प्रमुख विशाल सुवेदीले जानकारी दिए । सोमबार प्रादेशिक जनस्वास्थ्य प्रयोगशाला भैरहवामा गरिएको परीक्षणमा जिल्लाका थप २३ जनामा कोरोना देखिएको हो ।

तीमध्ये ३ जना महिला र अरु पुरुष हुन् । उनीहरुको उमेर १२ देखि ४६ वर्षसम्मका रहेको स्वास्थ्य कार्यालयले जनाएको छ । सोमबार आएको रिपोर्टसँगै प्यूठानमा सक्रिाय संक्रमित २८ जना भएका छन् । यसअघि कोरोना संक्रमण पुष्टि भएका ३ सय ३७ जना निको भएर घर गइसकेको कार्यालयले जनाएको छ ।


प्रकाशित : श्रावण २६, २०७७ १६:००
प्रतिक्रिया
पठाउनुहोस्

प्यूठानमा साइकलसहित नदीमा खसेर २ बालक बेपत्ता

गिरुप्रसाद भण्डारी

प्यूठान — साइकलबाट खस्दा माडी नदीमा २ जना बालक बेपत्ता भएका छन् । शनिबार बेलुका ७ बजेतिर स्वर्गद्वारी नगरपालिका–४, सोत्रेमा साइकल चलाउँदै गर्दा माडीमा खसेर १० वर्षीय सन्जोक पार्धे र उनका साथी ८ वर्षका विपीन गौतम बेपत्ता भएका वडाध्यक्ष पदम भट्टराईले जानकारी दिए । 

माडी नदी ठूलो रहेको र रात परेका कारण उनीहरु अझै फेला नपरेको भट्टराईले बताए । स्थानीयवासी जनप्रतिनिधि र प्रहरीसहितको टोलीले नदीमा बेपत्ता बालकहरुको खोजी गरिरहेको जिल्ला प्रहरी कार्यालय प्यूठानका प्रहरी प्रमुख डीएसपी नरेन्द्रकुमार कार्कीले जनाकारी दिए ।

प्रकाशित : श्रावण २४, २०७७ २१:१६
पूरा पढ्नुहोस्
प्रतिक्रिया
पठाउनुहोस्
×