राप्ती प्रतिष्ठानले पीसीआर परीक्षण रोकेर व्यापार गर्‍यो : मुख्यमन्त्री पोख्रेल- प्रदेश ५ - कान्तिपुर समाचार
कान्तिपुर वेबसाईट
AdvertisementAdvertisement

राप्ती प्रतिष्ठानले पीसीआर परीक्षण रोकेर व्यापार गर्‍यो : मुख्यमन्त्री पोख्रेल

कान्तिपुर संवाददाता

दाङ — प्रदेश ५ का मुख्यमन्त्री शंकर पोख्रेलले घोराहीस्थित राप्ती स्वास्थ्य विज्ञान प्रतिष्ठानले स्वास्थ्य सेवा दिनुको साटो व्यापार गरिरहेको आरोप लगाएक छन् ।  दुईवटा पीसीआर मेसिन हुँदा पनि विभिन्न बहानामा स्वाब परीसणमा आनाकानी गर्नु गैरजिम्मेवार काम भएको उनले बताए ।

जिल्ला समन्वय समितिको चौथो सभालाई बुधबार घोराहीमा सम्बोधन गर्दै पोख्रेलले प्रतिष्ठान स्वास्थ्य सेवाभन्दा व्यापारमा केन्द्रित हुनु गलत भएको बताए । प्रतिष्ठानले यसअघि प्रतिव्यक्ति ५ हजार ५ सयका दरले कोरोना परिक्षण शुल्क तिर्न माग गर्दै जिल्लाका सबै स्थानीय तहलाई पत्राचार गरेको थियो । स्थानीय तहले शुल्क तिर्न नमानेपछि प्रतिष्ठानले स्वाब परीक्षण रोकिदिएको थियो । अहिले पनि पीसीआर मेसिनको रकम तिर्न नसकेको बहाना गरेर प्रतिष्ठानले नागरिकको स्वास्थ्यमा खेलबाड गरेको मुख्यमन्त्री पोख्रेलले बताए ।

पीसीआर मेसिन सरकारले उपलब्ध गराएको र कोरोना जााचको खर्च सरकारले बेहोर्दा पनि स्थानीय तहसाग शुल्क माग्नु गैरजिम्मेवार काम भएको पोख्रेलले बताए । ‘प्रतिष्ठानको ध्यान स्वास्थ्य सेवा र शिक्षातर्फ केन्द्रित हुनुपर्नेमा व्यापारतर्फ भइरहेको छ । यो राम्रो कुरा होइन,’ उनले भने, ‘कोरोना परीक्षणको सम्पूर्ण खर्च सरकारले बेहोरिरहेको छ । स्थानीय तहसँग माग्ने नै होइन । यसरी व्यापार गर्नु गलत काम भयो ।’

स्वास्थ्य सेवामा राजनीति गर्न नहुने उनले बताए । प्रतिष्ठानका पदाधिकारी अनावश्यक राजनीति गर्नुभन्दा गुणस्तरीय स्वास्थ्य सेवा प्रवाहमा केन्द्रित हुनुपर्ने धारणा उनले व्यक्त गरे । मुख्यमन्त्री पोख्रेलले बुधबार घोराहीस्थित सर्वोदय पुस्तकालय र घरेलु तथा साना उद्योग कार्यालय भवनको पनि उद्घाटन गरेका थिए ।

प्रकाशित : श्रावण २१, २०७७ १४:०२
प्रतिक्रिया
पठाउनुहोस्

मोदीले गरे अयोध्यामा राम मन्दिर शिलान्यास

सुरेशराज न्यौपाने

नयाँदिल्ली — भारतीय राजनीतिमा दशकौंदेखि प्रमुख मुद्दा रहँदै आएको अयोध्यास्थित राम मन्दिर निर्माण बुधबारदेखि औपचारिक रुपमा सुरु भएको छ । भारतीय प्रधानमन्त्री नरेन्द्र मोदीले बुधबार दिउँसो विशेष कार्यक्रमबीच भूमि पूजा गरेर मन्दिर निर्माणको विधिवत् थालनी गरेका हुन् । मोदीले स्थानीय समयअनुसार पौने एक बजे मन्दिरको जगमा चालीस किलोका पाँच वटा चाँदीको इँटा राखेको भारतीय सञ्चारमाध्यमले जनाएका छन् ।

उक्त शिलान्यास कार्यक्रमलाई भव्य बनाउन केन्द्र र उत्तर प्रदेश सरकारले विशेष तयारी गरेको थियो । कार्यक्रमकै लागि भनेर अयोध्यालाई विशेष रुपमा सजाइएको थियो । भारतीय सञ्चारमाध्यमहरुका अनुसार अयोध्याका अधिकांश भागलाई पहेँलो रगं लगाइएको छ । त्यसका साथै सुरक्षा व्यवस्थालाई पनि कडा पारिएको बताइएको थियो ।

भारतको सत्तारुढ दल भारतीय जनता पार्टी (भाजपा) ले राम मन्दिर निर्माणलाई विगत तीन दशकभन्दा बढी समयदेखि नै राजतीनिक मुद्दाका रुपमा उठाउँदै आएको थियो । त्यही भए पनि राम मन्दिर शिलान्यासलाई सत्तारुढ भारतीय जनता पार्टी र त्यस निकट हिन्दुवादी संस्थाहरुले वैचारिक र राजनीतिक जितका रुपमा लिएका छन् । पार्टीले गत वर्षको लोकसभाको चुनावी घोषणापत्रमै पाँच वर्षभित्र राम मन्दिर निर्माण गर्ने प्रतिबद्धता गरेको थियो । यस अर्थमा बुधबार भएको राम मन्दिरको शिलान्यान्सलाई भाजपाले ठूलो राजनीतिक जितका रुपमा हेरिएको छ ।

भूमि पुजाको दिन बुधबार अर्थात् ५ अगस्टमा राखिनुलाई पनि भाजपाको त्यो उद्देश्य केही हदसम्म प्रस्ट हुन्छ । गत वर्ष यही दिनमा मोदी नेतृत्वको सरकारले भारतीय संविधानमा रहेको जम्मू–कश्मीरलाई विशेषाधिकार दिने सम्बन्धी धारा ३७० र ३५ (ए) लाई खारेज गर्ने निर्णय गर्ने गरिएको थियो । त्यसैले जम्मू–कश्मीरको विशेषाधिकार खारेज भएको दिन राम मन्दिर शिलान्यासको कार्यक्रम राख्नुमा भाजपाले घोषणापत्रमा गरिएका प्रतिबद्धता गर्ने बाटोमा अग्रसर रहेको सन्देश दिन खोजेको प्रस्ट हुन्छ ।

गत वर्ष भारतको सर्वोच्च अदालतले अध्योध्याको विवादास्पद भूमि हिन्दु पक्षको भएको फैसला गरेपछि राम मन्दिर निर्माणको बाटो खुलेको हो । अदालतले ९ नोभेम्बर २०१९ मा दशकौंदेखि विवादित रहँदै आएको अयोध्याको राम मन्दिर–बाबरी मस्जिदसम्बन्धी मुद्दामा विवादित २.७७ एकड भूमि मुद्दाको एउटा एउटा पक्ष रामलला न्यासले पाउने फैसला गरेको थियो । अदालतको यो फैसलासँगै विवादास्पद भूमिमा राम मन्दिर निर्माणको बाटो खुलेको हो ।

बुधबारको मन्दिर शिलान्यास कार्यक्रमका लागि डेढ सयभन्दा बढी पाहुनालाई निम्तो गरिएको भारतीय सञ्चारमाध्यमहरुले जनाएका छन् । कार्यक्रममा उत्तरप्रदेशका मुख्यमन्त्री योगी आदित्यनाथदेखि विभिन्न मन्त्रीहरु, रामजन्म भूमि गुठीका सदस्यहरु, सत्तारुढ दल भारतीय जनता पार्टी (भाजपा) को माउ संस्था राष्ट्रिय स्वयं सेवक संघ (आरएसएस), विश्व हिन्दू महासंघलगायतका धार्मिक संस्थाहरु प्रतिनिधिहरुको पनि उपस्थिति रहेको बताइएको छ ।

राम मन्दिर शिलान्यासलाई नेपालमा पनि निकै चासोका साथ हेरिएको छ । प्रधानमन्त्री केपी शर्मा ओलीले केही साताअघि राम जन्मेको अयोध्या नेपालको ठोरीमा पर्ने अभिव्यक्ति दिएपछि अयोध्याको विषयमा नेपालमा पनि निकै चासो बढेको हो ।

यद्यपि उक्त अभिव्यक्तिलाई लिएर ओलीको भारतमा मात्र नभएर नेपालमा पनि चर्को आलोचना भएको थियो । पछि परराष्ट्र मन्त्रालयले ओलीको भनाई राजनीतिक विषयसँग सम्बन्धित नभएको र कसैको भावनामा चोट पुऱ्याउने उद्देश्य नरहेको भन्दै स्पष्टीकरण दिएको थियो । तर, उनका समर्थकहरुले भने रामको जन्मभूमिका सम्बन्धमा भारतमा समेत मतैक्य नरहेको हुँदा ओलीको अभिव्यक्तिलाई गलत भन्न नमिल्ने बरु त्यसलाई आधार बनाएर राम जन्मभूमि र अध्योध्याको अध्ययन र अनुसन्धान थाल्नुपर्ने माग गर्दै आएका छन् ।

प्रकाशित : श्रावण २१, २०७७ १३:३९
पूरा पढ्नुहोस्
प्रतिक्रिया
पठाउनुहोस्
×