पोखरीमा डुबेर रुपन्देहीमा एकको मृत्यु 

तिलोत्तमा नगरपालिका–६ पूर्व पौनीका ४६ वर्षीय रामबहादुर चौधरी आफ्नै माछा पोखरीमा माछालाई दाना हाल्ने क्रममा एक्कासि पोखरीमा डुबेका थिए । दिउँसो पौने १२ बजे पोखरीमा डुबेका उनलाई घरपरिवार र छिमेकीको सहयोगमा निकालिएको थियो ।

क्रिमसन अस्पताल मणिग्राममा तत्काल उपचारमा लगेपनि उपचारको क्रममा दिउसो उनको मृत्यु भएको जिल्ला प्रहरी कार्यालय बुटवलले जनाएको छ । घटनाबारे थप अनुसन्धान भइरहेको प्रहरीले जनाएको छ ।