९ किलो अफिमसहित ३ पक्राउ
रुकुम पूर्व — प्रहरीले ९ किलो १ सय ग्राम अफिमसहित ३ जनालाई पक्राउ गरेको छ ।
पुथा उत्तरगंगा गाउँपालिका–१२ नयाँ बजारबाट ४० वर्षीय अमरजित पुन, ३४ वर्षीया प्रतिभा पुन र ३५ वर्षीया गाइने कामीलाई अफिमसहित पक्राउ गरिएको जिल्ला प्रहरी प्रमुख प्रहरी नायब उपरीक्षक गजुसिद्धी बज्राचार्यले बताए ।
गोप्य सूचनाको आधारमा जिल्ला प्रहरीबाट खटिएको टोलीले साउन ९ गते उनीहरुलाई पक्राउ गरेको डीएसपी बज्राचार्यले बताए । प्रहरीले उनीहरुको साथबाट अफिम नापतौलमा प्रयोग डिजिटल तराजु समेत बरामद गरेको छ ।
प्रकाशित : श्रावण ११, २०७७ १६:०४प्रतिक्रिया