कान्तिपुरकर्मी बडुवाल पुरस्कृत

पत्रकारिताको माध्यमबाट कोरोना महामारीका बेला सामाजिक दायित्व बहन गरेको भन्दै बडुवाललाई नगदसहित सम्मानपत्र प्रदान गरिएको हो । उक्त अवसरमा कोरोना महामारीमा अग्रपंक्तिमा रहेर सेवा गरिरहेका कोरोना विशेष अस्पताल बुटवलका फोकल पर्सन डा. सुदर्शन थापालाई समेत क्लबले कदरपत्र प्रदान गरेको छ ।

कार्यक्रममा बोल्दै प्रदेशका आन्तरिक मामिला तथा कानुनमन्त्री कुलप्रसाद केसीले विषम परिस्थितमा पनि प्रदेश सरकारले अन्य प्रदेशका तुलनामा धेरै क्वारेन्टाइन, आइसोलेसन सेन्टर स्थापना गरी नागरिकको स्वास्थ्यका लागि उत्तरदायी भूमिका निर्वाह गरेको बताए ।

‘महामारीलाई चिर्दै, कसरी अघि बढ्ने भन्नेबारे पनि पत्रकारले कलम चलाउनुपर्छ,’ उनले भने, ‘जोखिमपूर्ण परिस्थितिमा अग्रपंक्तिमा रहेर काम गर्ने पत्रकारको मूल्यांकन सरकारले गर्नेछ ।’