क्‍वारेन्टाइनबाट भागेका ८ मध्ये १ जनामा कोरोना संक्रमण पुष्टि

तिनाउ गाउँपालिका–५, घुँघराछापका ३५ वर्षीय पुरुषमा कोरोना भाइरस पोजिटिभ देखिएको हो । उनीसँगै उनका छोरा, सोही वडाको बिस्कुनडाँडाका २, साविक कोलडाँडाका २, तिनाउ–४, सत्यवती लगाडका १ जना भागेका थिए । भागेर गए पनि उनीहरुलाई गाउँमा पुगेपछि घरमा बस्न भने दिएका छैनन् ।

स्वास्थ्य शाखा प्रमुख कार्कीका अनुसार सबैलाई नजिकको विद्यालयका साथै खाली घरमा राखिएको छ । एक जनालाई पोजिटिभ आएकाले अब उनीहरुसँगको कन्ट्याक्टमा को-को आए भन्नेतर्फ खोजी भइरहेको उनले बताए । उनीहरु क्‍वारेन्टाइनमा बसेको २२ दिन भइसकेको थियो ।