प्यूठानमा टिपर दुर्घटना चालक र सह चालकको मृत्यु

असार २०, २०७७गिरुप्रसाद भण्डारी

प्यूठान — टिपर दुर्घटना हुँदा दुई जनाको घटनास्थलमै ज्यान गएको छ । नौबहिनी गाउँपालिका ८ लुप्लुङबाट चुनढुंगा बोकेर दाङको कालाकाटेतर्फ जाँदै गरेको ना ७ ख ८९३८ नम्बरको टिपर सरुमारानी गाउँपालिका–६ मोतिपुरमा दुर्घटना भएको हो ।

दुर्घटनामा नौबहिनी–६ पीपलटारीका ३० वर्षीय चालक रोशन थापा र अन्दाजी २७ वर्षका सह–चालक जोगबहादुर पुनको घटनास्थलमै मृत्यु भएको जिल्ला प्रहरी कार्यालय प्यूठानमा प्रहरी प्रमुख डीएसपी नरेन्द्रकुमार कार्कीले जानकारी दिए ।