दुर्घटनामा रुपन्देहीका पत्रकार कृष्णबाबु पाण्डेको निधन

असार १४, २०७७कान्तिपुर संवाददाता

तिलोत्तमा, रुपन्देही — रुपन्देहीमा सवारी दुर्घटनामा पत्रकार कृष्णबाबु पाण्डेको मृत्यु भएको छ । सिद्धार्थ राजमार्गअन्तर्गत बुटवल–भैरहवा सडकखण्डको तिलोत्तमा–१ ड्राइभर टोलमा शनिबार राति भएको सवारी दुर्घटनामा परि न्युज २४ का संवाददाता कृष्णबाबुको मृत्यु भएको हो ।

दुर्घटनामा रुपन्देहीका पत्रकार कृष्णबाबु पाण्डेको निधन

बुटवलदेखि आफ्नो घर तिलोत्तमा नगरपालिकाको ड्राइभरटोलतर्फ जाँदै गर्दा आफैले चलाएको बा ७ च ६९५९ नम्बरको गाडी दुर्घटनामा परि घाइते भएका कृष्णबाबुलाई बुटवलको चौराहा अस्पतालमा उपचारका लागि ल्याइएको थियो ।