खोलाले बगाएर वृद्धाको मृत्यु
पाल्पा — लगातारको वर्षाले पाल्पाको रम्भा गाउँपालिका–१ हुँगीमा खोलाले बगाएर ७० वर्षीया मनकुमारी सारुको सोमबार मृत्यु भएको छ ।
दैनिक उपभोग्य सामाग्री किन्न हुँगीको पन्टार आएकी सारुलाई अविरल वर्षासँगै खोलामा आएको बाढीले बगाएको थियो ।
सोमबार बिहान खोलाले बगाएर बेपत्ता भएकी सारुको शव कालिगण्डकी नदी किनारमा फेला परेको हुँगी-१का वडाध्यक्ष कृष्णप्रसाद रेग्मीले जानकारी दिए ।
खोलामा आएको बाढीले दुई जनालाई बगाएको थियो । अर्की एक महिलालाई भने सकुशल उद्धार गरिएको वडाध्यक्ष रेग्मीले बताए ।
प्रकाशित : असार ८, २०७७ १६:२२प्रतिक्रिया