काठमाडौँ — कोरोना विशेष अस्पताल बेलझुण्डीबाट बुधबार थप ७ जना डिस्चार्ज भएका छन् । कोरोना निको भएर घर फर्कनेमा घोराही उपमहानगरपालिकाका ३ र लमही नगरपालिकाका ४ जना रहेका अस्पतालका सदस्य सचिव डा. सर्वेश शर्माले जानकारी दिए ।
उनका अनुसार पीसीआर परीक्षणमा नेगेटिभ रिपोर्ट आएपछि डिस्चार्ज गरिएको हो ।
हालसम्म अस्पतालबाट ३२ जना डिस्चार्ज भएको र अहिले अस्पतालमा ३७ संक्रमितहरु रहेको शर्माले बताए ।