२६.१२°C काठमाडौं
नक्कली बिरामी बनेर एम्बुलेन्समा लागुऔषध
दाङ — ब्राउनसुगर ओसारपसार गरेको आरोपमा प्रहरीले बिहीबार तीन जनालाई पक्राउ गरेको छ । उनीहरूले तुलसीपुर उद्योग वाणिज्य संघको एम्बुलेन्समा लागुऔषध ल्याएका हुन् ।
कोहलपुरबाट तुलसीपुरतर्फ जाँदै गरेको रा१च ३८९ नम्बरको एम्बुलेन्सलाई तुलसीपुर–अमिलिया सडक खण्डको दमारगाउँबाट नियन्त्रणमा लिइएको प्रहरीले जनाएको छ ।
पक्राउ पर्नेमा एम्बुलेन्स चालक दंगीशरण गाउँपालिका–६ श्रीगाउँका तिलक विक, घोराही उपमहानगरपालिका १३, बडहराका २३ वर्षीय शंकर पुन र तुलसीपुर उपमहागनरपालिका–५ की १७ वर्षीया दीपा थापा छन् । उनीहरू नक्कली बिरामी बनेर कोहलपुर पुगी ब्राउनसुगर खरिद गरी फर्कने क्रममा पक्राउ गरिएको इलाका प्रहरी तुलसीपुरले जनाएको छ । ‘यसबारे थप अनुसन्धान भइरहेको छ,’ प्रहरी निरीक्षक चक्रडम्बर पालले बताए ।
प्रतिक्रिया
