देवदह हत्याकाण्ड छानबिन गर्न मुख्यमन्त्री पोखरेलको निर्देशन- प्रदेश ५ - कान्तिपुर समाचार

देवदह हत्याकाण्ड छानबिन गर्न मुख्यमन्त्री पोखरेलको निर्देशन

सन्जु पौडेल

तिलोत्तमा (रूपन्देही) — प्रदेश ५ का मुख्यमन्त्री शंकर पोखरेलले देवदह हत्याकाण्डको छानबिन गर्न निर्देशन दिएको बताएका छन् । उक्त प्रकरणमा छानबिन माग्दै सोमबार मुख्यमन्त्री कार्यालय पुगेको दलित मुक्ति संगठनको प्रतिनिधिमण्डललाई उनले यस्तो बताएका हुन् ।

देवदहमा हत्या गरिएकी १३ वर्षीया अंगिरा पासीको परिवारलाई न्याय दिलाउन माग गरेको प्रतिनिधिमण्डलले जातीय विभेदलाई लिएर कर्णाली प्रदेशको रुकुम पश्चिममा भएको घटनाबारे पनि मुख्यमन्त्री पोखरेलको ध्यानाकर्षण गराएको थियो । दुवै घटनामा ध्यानाकर्षण भएको जनाउँदै पोखरेलले भने, ‘देवदह घटनाको निष्पक्ष छानबिनका लागि सुरक्षा निकायलाई निर्देशन दिइएको छ ।’

त्यस क्रममा तत्कालीन संविधानसभा सदस्य विनोद पहाडीले बन्दाबन्दीको समयमा मात्रै जातीय छुवाछुतका ३२ घटना भएकाले यसलाई अन्त्य गर्न सरकारले ठोस कदम चाल्नुपर्ने भनाइ राखे ।

प्रकाशित : जेष्ठ १९, २०७७ १३:०१
प्रतिक्रिया
पठाउनुहोस्

पीसीआर मेसिन बिग्रिएपछि झापामा स्वाब संकलन रोकियो

अर्जुन राजवंशी

बिर्तामोड — विराटनगरस्थित कोशी अस्पतालको पीसीआर परीक्षण गर्ने मेसिन बिग्रिएपछि झापामा स्वाब नमुना संकलन रोकिएको छ । कोसी अस्पतालमा रहेको पीसीआर मेसिन आइतबार राति बिग्रिएको प्रादेशिक जनस्वास्थ्य प्रयोगशाला प्रमुख जयवेन्द्र यादवले जानकारी दिए ।

झापा प्रदेश १ मै सबैभन्दा बढी कोरोना संक्रमित फेला परेको जिल्ला हो । भारतबाट दैनिकजसो मानिसहरू आइरहेका छन् । यसरी आउनेलाई क्वारेन्टाइनमा राखी स्वाब नमुना पीसीआर परीक्षणका लागि पठाउने गरिएको छ । तर, प्रदेशमा रहेको मेसिन बिग्रिएको खबरले द्रुत गतिमा भइरहेको स्वाब नमुना संकलन कार्यमा रोकावट आएको जिल्ला स्वास्थ्य कार्यालयका फोकल पर्सन जीवन चम्लागाईंले जानकारी दिए ।

सोमबार गौरीगन्ज, मेचीनगर, बाह्रदशी, बुद्धशान्तिलगायत अधिकांश पालिकामा स्वाब संकलन रोकिएको उनले जानकारी दिए । ‘विराटनगरको पीसीआर मेसिन बिग्रिएको खबर आएको छ, त्यसैले तत्काललाई स्वाब नमुना संकलन रोकेका हौं,’ चम्लागाईंले भने । उनका अनुसार यसअघि नै जिल्लाबाट पठाइएका ६ सय नमुनाको रिपोर्ट आउन बाँकी छ ।

प्रकाशित : जेष्ठ १९, २०७७ १२:५३
पूरा पढ्नुहोस्
प्रतिक्रिया
पठाउनुहोस्
×