बाँकेमा प्रहरीलाई पनि कोरोना संक्रमण

रुपा गहतराज

काठमाडौँ — बाँकेमा एक प्रहरीलाई पनि कोरोना संक्रमण देखिएको छ । नरैनापुर गाउँपालिकाको कालाफाटा चौकीमा कार्यरत प्रहरी जवानलाई कोरोना देखिएको बाके प्रहरी प्रवक्ता डीएसपी शिवबहादुर सिंहले जानकारी दिए । उनले प्रहरी जवानलाई कोरोना देखिने बित्तिकै चौकी सिल गरेको सुनाए । बाँकेमा प्रहरीलाई पहिलोपल्ट कोरोना देखिएको हो । 

शनिबार नरैनापुरमा २७ जना कोरोना संक्रमित पुष्टि हुँदा प्रहरी जवान पनि परेका हुन् । संक्रमित प्रहरी जवानलाई नेपालगन्ज ल्याउने तयारी छ ।

‘कोरोना देखिएकालाई नेपालगन्ज ल्याउँदै छौं', प्रवक्ता सिंहले भने, 'चौकी सिल गरेर अरुलाई क्‍वारेन्टाइनमा राखेर भोलि नै पीसीआर जाँच गर्छौं ।’

दुई दिनअघि मात्रै जिल्लाका ६० जना प्रहरीको स्वाब लिइएको थियो । त्यसको नतिजा आइसकेको छैन ।


प्रकाशित : जेष्ठ १०, २०७७ २१:४४
प्रतिक्रिया
पठाउनुहोस्

क्‍वारेन्टाइनमै कुटपिट, एकजना घाइते

सन्जु पौडेल

तिलोत्तमा — रुपन्देहीको कोटहीमाई ४ मझगांवास्थित मझगांवा माविको क्‍वारेन्टाइनभित्र झगडा हुँदा एक जना घाइते भएका छन् ।

क्‍वारेन्टाइनमा एकै कोठामा बसेका ५ मध्ये ४ व्यक्तिले एकजनालाई कुट्दा उनी घाइते भएको कोटहीमाई गाउँपालिकाका प्रमुख प्रशासकीय अधिकृत नेत्रप्रसाद घिमिरेले बताए । 'पुस्तैनी विषयमा विवाद गरी झगडा गरेका रहेछन्', उनले भने, 'घाइतेलाई भैरहवा लगी सामान्य उपचारपश्चात अर्को क्‍वारेन्टाइनमा सारियो ।'

अन्य ४ जनालाई ईलाका प्रहरी कार्यालय मझगांवामा क्‍वारेन्टाइन अवधि सकिएर निस्किएपछि सार्वजनिक मुद्दा लगाउने वा सुध्रिएमा एकपटकलाई माफी दिने गरी मुचुल्का बनाई पुन: क्‍वारेन्टाइनमै ल्याइएको घिमिरेले बताए ।

भारतबाट आएका उनीहरु क्‍वारेन्टाइनमा बसेको १४ दिन पुगिसकेको छ । तर पीसीआर परीक्षण नहुँदा घर पठाउन नपाइएको उनले जनाए ।


प्रकाशित : जेष्ठ १०, २०७७ २१:३४
पूरा पढ्नुहोस्
प्रतिक्रिया
पठाउनुहोस्
×