घोराहीको सडकमा अलपत्र वृद्धको उद्धार

दुर्गालाल केसी

दाङ — घोराही उपमहानगरपालिका १५ भृकुटीनगर टोलमा शुक्रबार बिहानदेखि अलपत्र अवस्थामा रहेका एक वृद्धको शनिबार अपरान्ह उद्धार गरिएको छ ।

घोराही उपमहानगरपालिकाका विपद् व्यवस्थापन समिति संयोजक तथा घोराही १४ का वडा अध्यक्ष शक्तिराम डाँगीको अगुवाइमा घोराही उपमहानगरका स्वास्थ्य अधिकृत विकेश रेग्मी र उज्यालो विहानी फाण्डेशनका स्वयंसेवकले उनको उद्धार गरेका हुन् ।

कोरोना संक्रमणको डरले उनलाई कसैले छुन मानेका थिएनन् । उज्यालो विहानी फाण्डेशनका स्वयंसेवकले पीपीई लगाएर उनलाई उठाई एम्बुलेन्समा राखेका थिए । अहिले उनलाई राप्ती स्वास्थ्य विज्ञान प्रतिष्ठान घोराहीमा राखेर उपचारको तयारी भइरहेको फाण्डेशनका अध्यक्ष गिररोदन महराले बताएका छन् ।

परीक्षणपछि निलसागर मानव सेवा आश्रम पिपरी देउखुरीमा लैजाने तयारी भएको छ । उनका आफन्त खोज्ने काम पनि भइरहेको महराले जानकारी दिए ।

उद्धारका लागि लामो समयदेखि प्रयास गरे पनि सुनुवाई नहुँदा लामो समयपछि मात्रै उद्धार भएको भृकुटीनगर टोलका युवा विवेक न्यौपानेले बताए । यसबारे कान्तिपुर अनलाइनमा समाचार प्रकाशित भएको थियो ।

यो पनि पढ्नुहोस् :

आफ्‍नाले छाडेपछि सडकमा

प्रकाशित : जेष्ठ १०, २०७७ १७:००
प्रतिक्रिया
पठाउनुहोस्
ADVERTISEMENT
ADVERTISEMENT

निकुञ्‍जमै भेटिए २० थान अवैध भरुवा बन्दुक

हरि गौतम

रुकुम पश्चिम — शे फोक्सुण्डो राष्ट्रिय निकुञ्‍ज भित्र २० थान अवैध भरुवा बन्दुक फेला परेका छन् । डोल्पाको त्रिपुरासुन्दरी, ठूलीभेरी नगरपालिका र शे फोक्सुण्डो गाउँपालिकामा फैलिएको निकुञ्‍ज  क्षेत्रभित्रै लुकाइ राखिएको अवस्थामा अवैध हतियार फेला परेका हुन् ।

निकुञ्‍ज ले चोरी–निकासी रोक्ने उद्देश्यले सञ्चालन गरेको गस्तीका क्रममा २० नाल भरुवा बन्दुक, एक थान बन्दुकको नालसहित घोरलका तीन छाला भेटिएको जनाएको छ ।

वैशाख २९ देखि जेठ ७ गतेसम्म निकुञ्‍ज ले चोरी–सिकारी तथा निकासी रोक्न निकुञ्‍ज भित्र विशेष गस्ती सञ्चालन गरेको थियो । निकुञ्‍ज को रोम, रसि, परिला र रहमा अवैध भरुवा बन्दुकसहित घोरलको छाला फेला परेको निकुञ्‍ज का प्रमुख संरक्षण अधिकृत सरोजमणि पौडेलले बताए । उनका अनुसार भीर, पहरा, गुफा र खोल्साखाल्सीमा लुकाइएको अवस्थामा बन्दुक फेला पारिएको थियो । ‘यसबारे आवश्यक अनुसन्धान सुरु गरिएको छ,’ उनले भने, ‘अनुसन्धानपछि संलग्नलाई कानुनी कारबाहीको दायरामा ल्याइनेछ ।’ रुम र रसी त्रिपुरासुन्दरी नगरपालिकामा पर्छन् भने परिला र रह ठूलीभेरी नगरपालिकाका क्षेत्र हुन् ।

भेटिएकामध्ये केही बन्दुकमा गोली भरिएको थियो । निकुञ्‍ज ले तिनलाई खाली गराएको छ । भेटिएका बन्दुक र घोरलका छाला निकुञ्‍ज को कार्यालय, सुलिगार्डमा राखिएको छ । ‘निकुञ्‍ज ऐनअनुसार ती बन्दुक जफत प्रक्रिया अघि बढाएका छौं,’ प्रमुख संरक्षण अधिकृत पौडेलले भने, ‘निकुञ्‍ज भित्रै अवैध बन्दुक भेटिएपछि आसपासका क्षेत्रका बासिन्दालाई अवैध हातहतियार बुझाउन ३५ दिने सार्वजनिक सूचना जारी गरिएको छ ।’

प्रकाशित : जेष्ठ १०, २०७७ १६:५४
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×